அமெரிக்காவில் 19 வயது இளைஞருக்கு 49 ஆண்டுகள் சிறைத்தண்டனை

மூன்று குடும்ப உறுப்பினர்களைக் கொன்று, அமெரிக்காவின் மோசமான படுகொலைகளை விஞ்சி “21 ஆம் நூற்றாண்டின் உலகின் மிகவும் பிரபலமான பள்ளி துப்பாக்கி சுடும் நபராக” மாற திட்டமிட்ட இங்கிலாந்து இளைஞர் ஒருவருக்கு குறைந்தபட்சம் 49 ஆண்டுகள் சிறைத்தண்டனை விதிக்கப்பட்டது.

கொலைகள் நடந்தபோது 18 வயதான நிக்கோலஸ் ப்ராஸ்பர், தனது தாயார் ஜூலியானா பால்கன் (48), சகோதரி கிசெல் (13), சகோதரர் கைல் (16) ஆகியோரைக் கொன்றார்.

“தான் முன்பு படித்த அருகிலுள்ள தொடக்கப்பள்ளியில் டஜன் கணக்கான நான்கு மற்றும் ஐந்து வயது மாணவர்களையும் இரண்டு ஆசிரியர்களையும் கொல்ல திட்டமிட்டிருந்ததாகவும், பின்னர் தன்னைத்தானே கொல்ல திட்டமிட்டிருந்ததாகவும் ப்ரோஸ்பர் போலீசாரிடம் தெரிவித்தார்.

அமெரிக்காவின் சாண்டி ஹூக் மற்றும் வர்ஜீனியா டெக் படுகொலைகளை விட கொடிய தாக்குதலை நடத்துவதே தனது நோக்கம் என்றும், ஆனால் தூக்கத்தில் தனது குடும்பத்தைக் கொல்லும் முன் அவரது தாயார் விழித்தெழுந்தபோது அந்தத் திட்டம் தடைபட்டதாகவும் அவர் குறிப்பிட்டார்.