பாகிஸ்தானில் நடந்த பொலிஸார் சோதனையில் 17 தலிபான் தீவிரவாதிகள் சுட்டுக்கொலை

பாகிஸ்தானின் பதற்றமான வடமேற்கில் உள்ள ஒரு போராளிகளின் மறைவிடத்தை பாதுகாப்புப் படையினர் சோதனை செய்த போது ஏற்பட்ட மோதலில் 17 தலிபான் போராளிகள் கொல்லப்பட்டுள்ளதாக பொலிஸார் தெரிவித்துள்ளனர்.

கைபர் பக்துன்க்வா மாகாணத்தின் கரக்கில் மாவட்டத்தில் இந்த மோதல் இடம்பெற்றுள்ளது. துப்பாக்கிச் சண்டையில் மூன்று அதிகாரிகள் காயமடைந்ததாக பொலிஸார் தெரிவித்துள்ளனர்.

இரண்டு நாட்களுக்கு முன்பு வடமேற்கில் உள்ள மற்றொரு மாவட்டமான தேரா இஸ்மாயில் கானில் இதேபோன்ற உளவுத்துறை அடிப்படையிலான நடவடிக்கையைத் தொடர்ந்து, அங்கு 13 பாகிஸ்தான் தலிபான் போராளிகள் துப்பாக்கிச் சூட்டில் கொல்லப்பட்டனர்.

சமீபத்திய ஆண்டுகளில் பாகிஸ்தானில் போராளி வன்முறை அதிகரித்துள்ளது, இதில் பெரும்பகுதியை பிரிவினைவாத குழுக்கள் மற்றும் தெஹ்ரிக்-இ-தலிபான் பாகிஸ்தான் அல்லது TTP என்றும் அழைக்கப்படும் பாகிஸ்தான் தலிபான்கள் உரிமை கோருகின்றனர்.

TTP என்பது ஆப்கான் தாலிபானுடன் கூட்டணி வைத்துள்ள ஒரு தனி குழுவாகும்.