உத்தரபிரதேசத்தில் பயிற்சி காவல் அதிகாரியால் பாலியல் வன்கொடுமை செய்யப்பட்ட 14 வயது சிறுமி தற்கொலை

9 ஆம் வகுப்பு மாணவி ஒருவர் தனது பகுதியில் வசித்து வந்த பயிற்சி காவல் அதிகாரியால் பாலியல் வன்கொடுமை செய்யப்பட்டதற்காக தற்கொலை செய்து கொண்டுள்ளார்.

சங்கிபூர் காவல் நிலையப் பகுதியில் 14 வயது சிறுமி தற்கொலை செய்து கொண்டதாக கூடுதல் காவல் கண்காணிப்பாளர் சஞ்சய் ராய் தெரிவித்துள்ளார்.

சிறுமியை திருமணம் செய்து கொள்வதாக வாக்குறுதி அளித்து அதிகாரி ஏமாற்றியதாக ராய் குறிப்பிட்டுள்ளார்.

மௌ மாவட்டத்தில் பயிற்சி பெற்று வரும் குற்றம் சாட்டப்பட்ட அதிகாரி மீது வழக்கு பதிவு செய்யப்பட்டுள்ளதாகவும், குற்றம் சாட்டப்பட்டவரைக் காவலில் எடுக்க ஒரு குழு அமைக்கப்பட்டுள்ளதாகவும் அதிகாரி தெரிவித்துள்ளார்.