12 நாடுகள் வழியே 46,239 கிலோமீட்டர் பயணித்த இன்ஸ்டாகிராம் பிரபலம்

இன்ஸ்டாகிராம் பிரபலம் ஒருவர் 274 நாள்களில் 46 ஆயிரத்து 239 கிலோமீட்டர் தூரம் பயணித்து ஜப்பான் வந்தடைந்தார்.

எகிப்தை சேர்ந்த இன்ஸ்டாகிராம் பிரபலமும், நீண்ட தூர பயண ஆர்வலருமான ஒமர் நோக் என்பவரே இவ்வாறு பயணித்துள்ளார்.

30 வயதான அவர், சவூதி அரேபியா, ஈரான், ஆப்கனிஸ்தான், தஜிகிஸ்தான், கிர்கிஸ்தான், கஜகஸ்தான், சீனா என 12 நாடுகள் வழியே ஜப்பான் சென்று சேர்ந்தார்.

பல இடங்களில் வாகனங்களில் லிஃப்ட் கேட்டும், கிர்கிஸ்தான், கஜகஸ்தான் நாடுகளில் குதிரை மற்றும் ஒட்டகங்களில் பயணித்ததாகவும் அவர் தெரிவித்துள்ளார்.

தனது தேவைகளைக் குறைத்துக்கொண்டு ஒருநாளைக்கு 25 டாலர் அளவுக்கே செலவழித்துள்ளார். ஆப்கானிஸ்தானில் இரண்டு வாரங்களில் 88 டாலர் மட்டுமே செலவழித்ததாகவும் அவர் தெரிவித்துள்ளார்.