மும்பையில் தஹி ஹண்டி பயிற்சியின் போது உயிரிழந்த 11 வயது சிறுவன்

மும்பையின் தஹிசர் பகுதியில் நடைபெறவிருக்கும் தஹி ஹண்டி திருவிழாவிற்காக மனித பிரமிட்டை உருவாக்கும் பயிற்சியின் போது கோவிந்தா அணியின் 11 வயது உறுப்பினர் ஒருவர் தவறி விழுந்து உயிரிழந்துள்ளார்.

திறந்தவெளி மைதானத்தில் பயிற்சியின் போது மகேஷ் ஜாதவ் தலையில் காயம் அடைந்தார். அவர் மருத்துவமனைக்கு கொண்டு செல்லப்பட்டபோது, சிகிச்சை பலனின்றி உயிரிழந்தார்.

“மகேஷ் ஜாதவ் ஒவ்வொரு வருடமும் தஹி ஹண்டி விழாவில் பங்கேற்பது வழக்கம். இந்த சம்பவம் பல கோவிந்தா குழுக்கள் சரியான பாதுகாப்பு நடவடிக்கைகள் இல்லாமல் பயிற்சி செய்வதை குறிக்கிறது என்று ஒரு அதிகாரி குறிப்பிட்டுள்ளார்.

தஹிசார் காவல்துறை விபத்து இறப்பு அறிக்கையை (ADR) பதிவு செய்துள்ளது.

தஹி ஹண்டி கொண்டாட்டங்கள் கிருஷ்ணரின் பிறப்பைக் குறிக்கும் ஜன்மாஷ்டமியின் ஒரு பகுதியாகும். இந்த விழா ஆகஸ்ட் 16 அன்று கொண்டாடப்படும்.

கொண்டாட்டங்களின் ஒரு பகுதியாக, கோவிந்தாக்கள் அல்லது தஹி ஹண்டி பங்கேற்பாளர்கள் பல அடுக்கு மனித பிரமிடுகளை உருவாக்கி, காற்றில் தொங்கவிடப்பட்ட ‘தஹி ஹண்டிஸ்’ (தயிர் நிரப்பப்பட்ட களிமண் பானைகள்) உடைக்கின்றனர்.