ரஷ்ய தொழில்துறை ஆலையில் ஏற்பட்ட தீ விபத்தில் சிக்கி 11 பேர் பலி

ரஷ்யாவின் ரியாசான் பகுதியில் உள்ள ஒரு தொழில்துறை ஆலையில் ஏற்பட்ட தீ விபத்தில் 11 பேர் உயிரிழந்துள்ளனர் மற்றும் 130 பேர் காயமடைந்ததாக ரஷ்ய அதிகாரிகள் தெரிவித்தனர்.

மாஸ்கோவிலிருந்து தென்கிழக்கே சுமார் 250 கிலோமீட்டர் (155 மைல்) தொலைவில் உள்ள ஷிலோவ்ஸ்கி மாவட்டத்தில் உள்ள எலாஸ்டிக் ஆலையில் தீ விபத்து ஏற்பட்டது.

ரஷ்ய அரசு செய்தி நிறுவனம், அந்த நிலையத்தில் உள்ள துப்பாக்கி குண்டு பட்டறையில் தீப்பிடித்து வெடிப்பு ஏற்பட்டது என்று தெரிவித்துள்ளது.

காயமடைந்தவர்களில் 29 பேர் மருத்துவமனையில் அனுமதிக்கப்பட்டனர். 13 பேர் ரியாசானிலும் 16 பேர் மாஸ்கோவில் உள்ள மருத்துவ மையங்களுக்கு கொண்டு செல்லப்பட்டதாகவும் அதிகாரிகள் தெரிவித்தனர்.