பொலிஸ் வேடமணிந்து கொள்ளை சம்பவங்களில் ஈடுபட்ட 10 பேர் கைது!

பொலிஸ் வேடமணிந்து வீடுகளுக்குள் பலவந்தமாக நுழைந்து குடியிருப்பாளர்களைத் தாக்கி சொத்துக்களைக் கொள்ளையடிக்கும் கும்பலின் மூளையாக செயற்பட்ட ஒருவர் உள்பட 10 பேர் கைது செய்யப்பட்டுள்ளனர்.

மேல்மாகாணத்தின் குற்றப் புலனாய்வுப் பிரிவின் அதிகாரிகளுக்கு கிடைத்த தகவலின் அடிப்படையில் ஹொரண பொக்குனுவிட பிரதேசத்தில் மேற்கொள்ளப்பட்ட விசேட சுற்றிவளைப்பின் போதே குறித்த 10 பேரும் கைது செய்யப்பட்டுள்ளதாக அறிவிக்கப்பட்டுள்ளது.

கைது செய்யப்பட்டவர்களிடம் இருந்து 10 ஆயிரம் மில்லி கிராம் ஹெரோயின் கைப்பற்றப்பட்டுள்ளதாகவும் பொலிஸார் தெரிவித்துள்ளனர்.

மேலும், சந்தேகநபர்களிடம் இருந்து, பொலிஸ் சீருடைக்கு நிகரான உடைகள், வாள்கள் உள்ளிட்ட கூரிய ஆயுதங்கள், 04 மோட்டார் சைக்கிள்கள், கொள்ளையடித்த பணத்தில் வாங்கிய 2 முச்சக்கரவண்டிகள், 37 பவுன்  தங்கம் ஆகியவையும் கைப்பற்றப்பட்டுள்ளன.

குறித்த நபர்கள்,12இற்கும் மேற்பட்ட கொள்ளை சம்பவங்களில் ஈடுபட்டுள்ளதாக கண்டறியப்பட்டுள்ளது.

மேலும் குறித்த 10 பேரும் நேற்று ஹொரணை நீதவான் நீதிமன்றில் முன்னிலைப்படுத்தப்பட்ட நிலையில், அவர்களை விளக்கமறியலில் வைக்குமாறு நீதவான் உத்தரவு பிறப்பித்துள்ளார்.

தொடர்புடைய செய்திகள்:

எக்ஸ் பிரஸ் பேர்ள் கப்பல் குறித்த விவாதத்தை நடத்தாமல் இருக்குமாறு கோரிக்கை! காலி முகத்திடல் போராட்டத்தை தற்போது விமர்சிப்பது பயனற்றது – சுமந்திரன்! முதல் மூன்று மாதங்களிலேயே சுருங்கிய இலங்கையின் பொருளாதாரம்! நல்லூர் கந்தசுவாமி ஆலயத்தின் வருடாந்த பெருந்திருவிழா விரைவில் ஆரம்பம்! மகோற்சவ ஏற்பாடுகள் குறித்து கலந்துரையாடல்