ரஷ்யாவின் அணுசக்தி நிலையில் மாற்றம் இல்லை – ஜென்ஸ் ஸ்டோல்டன்பேர்க்

ரஷ்யாவின் அணுசக்தி நிலையில் எவ்வித மாற்றங்களும் இல்லை என நேட்டோ தெரிவித்துள்ளது.

ரஷ்யா, பெலாரஸில் அணுவாயுதங்களை நிலைநிறுத்துவதாக அறிவித்துள்ள நிலையில், நேட்டோ ரஷ்யாவின் செயல்பாட்டை உண்ணிப்பாக அவதானித்து வருகிறது.

இந்நிலையில், பிரஸ்ஸல்ஸில் நடந்த செய்தியாளர் சந்திப்பில் கருத்து தெரிவித்த நேட்டோ பொதுச்செயலாளர் ஜென்ஸ் ஸ்டோல்டன்பேர்க், இதுவரையில் அவர்களின் அணுசக்தி தோரணையில் எந்த மாற்றத்தையும் பார்க்கவில்லை எனக் கூறினார்.

பெலாரஷ்ய படைகள் உக்ரைனுடனான போரில் அதிகாரப்பூர்வமாக ஈடுபடவில்லை,  ஆனால் மின்ஸ்க் ரஷ்ய படைகளை அதன் பிரதேசத்தில் இருந்து தாக்குதல்களை நடத்த அனுமதித்துள்ளது.