அவசர அழைப்புகளுக்கு முன்னுரிமை: தொலைத்தொடர்பு நிறுவனங்கள் சம்மதம்

தொடர்ந்து நிலவும் பேரிடர் சூழ்நிலையின்போது அவசர அழைப்புகளுக்கு முன்னுரிமை அளிக்கவும், அதே நேரத்தில் வலையமைப்பு நெரிசலைக் (Network Congestion) குறைப்பதட்கும் தொலைத்தொடர்பு இயக்குநர்கள் ஒப்புக்கொண்டுள்ளனர்.

இன்றையதினம் (நவம்பர் 29, 2025) இலங்கைத் தொலைத்தொடர்பு ஒழுங்குபடுத்தல் அணைக்குழுவிற்கும் (TRCSL – Telecommunications Regulatory Commission of Sri Lanka) அரசாங்கத்திற்கும் முன்னணித் தொலைத்தொடர்பு நிறுவனங்களுக்கும் இடையில் ஒரு முக்கிய கலந்துரையாடல் நடைபெற்றது.

தற்போதுள்ள பாதகமான வானிலை மற்றும் பேரிடர் நிலை காரணமாக நாடு முழுவதும் பாதிக்கப்பட்ட தொலைபேசி மற்றும் இணையத் தொடர்பு வலையமைப்புகளை அவசரமாக மீட்டெடுப்பதற்குத் தேவையான விசேட நடவடிக்கைகள் குறித்து இச்சந்திப்பில் கவனம் செலுத்தப்பட்டது.

இச்சந்திப்பை சனாதிபதி செயலகம், தூய்மை இலங்கைச் செயலகம், டிஜிட்டல் பொருளாதார அமைச்சு மற்றும் TRCSL ஆகியவை இணைந்து ஏற்பாடு செய்திருந்தன.

கனமழை மற்றும் பேரிடர் நிலை காரணமாக மின் விநியோகத் தடை மற்றும் வலையமைப்புச் செயலிழப்பினால், பல பகுதிகளில் உள்ள மக்களால், குறிப்பாகப் பாதிக்கப்பட்ட பகுதிகளில் உள்ளவர்களால், தமது உறவினர்களைத் தொடர்புகொள்ள முடியாமல் தவித்து வருகின்றமை கவனத்தில் எடுத்துக்கொள்ளப்பட்டுள்ளது.

மின்தடையை எதிர்கொள்ளும் கோபுரங்களுக்கு (Transmission Towers) ஜெனரேட்டர்கள் அல்லது மாற்று மின் மூலங்களை விரைவாக வழங்க, சம்பந்தப்பட்ட சேவை வழங்குநர்களுக்கும் இலங்கை மின்சார சபைக்குமிடையில் (Ceylon Electricity Board) நேரடி ஒருங்கிணைப்பை ஏற்படுத்த முடிவு செய்யப்பட்டுள்ளது.

சேதமடைந்த கோபுரங்களைப் பழுதுபார்க்கத் தேவையான தொழில்நுட்பக் குழுக்களைப் பேரிடரில் பாதிப்படைந்த பகுதிகளுக்கு அனுப்புவதற்கு அரசாங்கத்தின் போக்குவரத்து மற்றும் பாதுகாப்புத் துறைகள் உதவிகளை வழங்கும் என்று