தொண்டு நிறுவனங்களுடன் இலங்கை ஜனாதிபதி விசேட சந்திப்பு

இன்று பிற்பகல் பாதுகாப்புத் தலைமையகத்தில் (Defence Headquarters) தன்னார்வல தொண்டு நிறுவனங்களின் (NGOs) பிரதிநிதிகளுடன் நடைபெற்ற ஒரு கூட்டத்தின்போதே ஜனாதிபதி பின்வரும் கருத்துக்களைத் தெரிவித்தார்.

இந்தச் சவாலான காலகட்டத்தில் மக்களுக்காக முன்வந்து உதவி புரியும் அனைவருக்கும் ஜனாதிபதி தமது நன்றியைத் தெரிவித்தார்.

அனைத்து தரப்பினரும், ஒருங்கிணைந்து ஒரு தேசிய கட்டமைப்பின் (national framework) கீழ் நேர்மையுடனும் அர்ப்பணிப்புடனும் (sincerity and commitment) பணியாற்ற வேண்டும் என்று அவர் வலியுறுத்தினார்.

பாதிக்கப்பட்ட அனைவருக்கும் எந்தவிதமான பாரபட்சமும் இன்றி (without any discrimination) மீட்பு மற்றும் நிவாரண நடவடிக்கைகள் மேற்கொள்ளப்பட்டு வருவதை ஜனாதிபதி சுட்டிக்காட்டினார்.

இந்தக் கடினமான காலகட்டதில் , நாடு முழுவதும் தேசிய ஒற்றுமை மற்றும் நல்லிணக்கத்தை (national unity and reconciliation) வளர்ப்பதற்கு ஒரு வாய்ப்பை உருவாக்கியுள்ளதாக அவர் மேலும் தெரிவித்தார்.

இடம் பெயர்ந்த மக்களுக்குத் தேவையான வசதிகளை வழங்குதல், பொதுமக்களின் வாழ்க்கையை இயல்பு நிலைக்குக் கொண்டு வருதல் மற்றும் தேர்ந்தெடுக்கப்பட்ட அத்தியாவசிய உட்கட்டமைப்புகளை (essential infrastructure) மேம்படுத்துதல் போன்ற பணிகள் அனைத்துத் தரப்பினரின் ஒத்துழைப்புடன் மேற்கொள்ளப்பட வேண்டும் என்று ஜனாதிபதி குறிப்பிட்டார்.

கூட்டத்தில் பங்கேற்ற தன்னார்வல தொண்டு நிறுவனங்களின் பிரதிநிதிகள், பேரிடரால் பாதிக்கப்பட்ட மக்களுக்கு ஆதரவளிக்கத் தங்கள் நிறுவனங்களின் திட்டங்கள் பற்றிய விவரங்களைப் பகிர்ந்து கொண்டனர்.

இத்தகைய தருணங்களில், தன்னார்வல தொண்டு நிறுவனங்களின் பங்களிப்பு நிதி உதவிக்கு அப்பாற்பட்டது என்றும், அவர்களின் நிபுணத்துவம், அனுபவம் மற்றும் தொழில்நுட்ப அறிவையும் திறம்படப் பயன்படுத்த முடியும் என்றும் அவர்கள் எடுத்துரைத்தனர்.

தற்போதைய அரசாங்கத்தின் ஊழலளுக்கு எதிரான சட்ட ஒழுங்கு முயற்சிகள் காரணமாக, தாங்கள் எந்தவித அச்சமும் இன்றி அரசுடன் இணைந்து பணியாற்ற முடியும் என்ற நம்பிக்கை இருப்பதாக அவர்கள் குறிப்பிட்டனர்.

இந்தக் கூட்டத்தில் வெளிவிவகார, வெளிநாட்டு வேலைவாய்ப்பு மற்றும் சுற்றுலாத் துறை அமைச்சர் விஜித ஹேரத், சுகாதார மற்றும் வெகுஜன ஊடகத் துறை அமைச்சர் டாக்டர் நலின்ட ஜயதிஸ்ஸ, கிராம அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சர் உபாலி பண்ணிலகே, தொழிலாளர் மற்றும் நிதி, திட்டமிடல் பிரதி அமைச்சர் அனில் ஜயந்த பெர்னாண்டோ, ஜனாதிபதியின் செயலாளர் டாக்டர் நந்திக்க சனத் குமாரநாயக்க, பாதுகாப்பு அமைச்சின் செயலாளர் விமானப் படைத் தளபதி சம்பத் துயாகொந்தா மற்றும் முப்படைகளின் தளபதிகள், பொலிஸ் மா அதிபர் உள்ளிட்ட பல உயர் அதிகாரிகள் கலந்துகொண்டனர்.