ஐஸூடன் கைதான சந்தேகதபர் – நீதிமன்றம் பிறப்பித்துள்ள உத்தரவு

ஐஸ் போதைப் பொருளுடன் கைது செய்யப்பட்ட சந்தேக நபரை பொலிஸ் நிலையத்தில் தடுத்து வைத்து விசாரிக்க திருகோணமலை நீதிமன்றம் உத்தரவிட்டுள்ளது.

திருகோணமலை-மொரவெவ பொலிஸ் நிலையத்திற்கு கிடைக்கப்பெற்ற இரகசிய தகவலை அடுத்து குறித்த சந்தேக நபரை சோதனை இட்ட போது அவரிடமிருந்து 11g ஐஸ் போதைப் பொருள் கைப்பற்றப்பட்டதாகவும் பொலிஸார் தெரிவித்தனர்.

இவ்வாறு கைது செய்யப்பட்டவர் அனுராதபுரம் -இக்கிரிகொல்லாவ பகுதியில் வசித்து வரும் அக்பர் முஹம்மது ரிபான் (35) எனவும் பொலிஸார் தெரிவித்தனர்.

திருகோணமலையிலிருந்து மோட்டார் சைக்கிளில் அனுராதபுரம் நோக்கி சென்று கொண்டிருந்தபோது பொலிஸாருக்கு கிடைக்கப்பெற்ற இரகசிய தகவலையடுத்து அவரை சோதனையிட்டதாகவும் பொலிஸார் தெரிவித்தனர்.

குறித்த சந்தேக நபருக்கு பல நீதிமன்றங்களில் வழக்குகள் இடம் பெற்று வருவதாகவும் புலன் விசாரணைகளின் பின்னர் திருகோணமலை நீதிமன்றில் ஆஜர் படுத்த நடவடிக்கை எடுத்துள்ளதாகவும் மொரவெவ பொலிஸார் தெரிவித்தனர்.