அதிபர் பைடன் தொடர்பில் மருத்துவர் வெளியிட்ட தகவல்!

அமெரிக்க அதிபர் ஜோ பைடனுக்கு ஏற்பட்டிருந்த தோல் புற்றுநோய் பாதிப்பு சிகிச்சையின் மூலம் அகற்றப்பட்டுள்ளதாக வெள்ளை மாளிகை மருத்துவர் கெவின் தெரிவித்துள்ளார்.

இந்த சிகிச்சை கடந்த மாதம் மேற்கொள்ளப்பட்டதாக கூறப்படுவதுடன் , பைடனுக்கு மேற்கொண்டு சிகிச்சை தேவையில்லை எனவும் மருத்துவர்  கூறியுள்ளதாக தெரிவிக்கபப்டுகின்றது.

அமெரிக்காவின் 46வது அதிபராக ஜோ பைடனுக்கு வயது 80. இந்த சூழலில் அவருக்கு மார்பு பகுதியில் தோல் புற்றுநோய் பாதிப்பு ஏற்பட்டதாகவும் தொடர்ந்து அவருக்கு அறுவை சிகிச்சை மூலம் அது அகற்றப்பட்டுள்ளதாகவும் மருத்துவர் கெவின் தெரிவித்துள்ளார்.

அதிபருக்கு ஏற்பட்ட புற்றுநோய் பாதிப்பு பரவக் கூடியது இல்லை என்றும் தெரிவித்துள்ளார். கடந்த மாதம் அவர் ஆரோக்கியமாக இருப்பதாகவும் மருத்துவர் தெரிவித்தார்.அப்போது அவரது மார்பு பகுதியில் இருந்து அகற்றப்பட்ட சிறிய அளவிலான லிஷன் பயாப்ஸிக்கு அனுப்பப்பட்டதாகவும் தெரிவிக்கப்பட்டது.

அதேவேளை அடுத்த ஆண்டு நவம்பரில் அமெரிக்க அதிபர் தேர்தல் நடைபெற உள்ளது. இந்த தேர்தலில் அதிபர் ஜோ பைடன் போட்டியிட வாய்ப்புள்ளதாக கூறப்படும் நிலையில் உத்தியோகபூர்வமான அறிவிப்பு இன்னும் வெளியாகவில்லை.