மாவில் ஆற்று நீர்த்தேக்கக் கரை உடைப்பு

மாவிலாறு அணை மற்றும் நீர்த்தேக்கத்தின் கரை ஆபத்தான நிலையில் உடைந்து காணப்படுவதினால் மூதூர். வெறுகல் . சேறுவில கடுமையாக பாதிக்கப்பட்டுள்ளது.

திருகோணமலை மாவட்டத்தில் இன்று (30) மாலை வரைக்கும் 16, 604 குடும்பங்களை சேர்ந்த 54 ஆயிரத்து 107 பேர் பாதிக்கப்பட்டுள்ளதாக திருகோணமலை மாவட்ட அனர்த்த முகாமைத்துவ நிலையத்தின் உதவி பணிப்பாளர் கே.சுகுனதாஸ் தெரிவித்தார்.

திருகோணமலை மாவட்டத்தில் 11 பிரதேச செயலாளர் பிரிவுகளிலும் 204 கிராம சேவையாளர் பிரிவுகளிலும் 477 வீடுகள் சேதம் அடைந்துள்ளதாகவும் மூதூர்,தம்பலகாமம், வெருகல், கிண்ணியா குச்சவெளி பதவி ஸ்ரீபுர போன்ற பகுதிகளில் 1740 குடும்பங்களை சேர்ந்த
4 879 பேர் பாதிக்கப்பட்டுள்ளதாகவும் மாவட்ட அரசாங்க அதிபர் டபிள்யூ. ஜீ. எம். ஹேமந்தகுமார தெரிவித்தார்.

அத்துடன் மூதூர் கிளிவெட்டியைச் சேர்ந்த 169 பேர் தோப்பூருக்கு பாதுகாப்பான இடத்திற்கு அனுப்பப்பட்டுள்ளனர்.

மேலும் உப்பாறு பகுதியில் பாதிக்கப்பட்டுள்ள நபர்களை மீட்கும் நடவடிக்கையில் கடற் படையினர் ஈடுபட்டுள்ளதுடன் சேறுவில ஸ்ரீ மங்களபுர பகுதியில் 187 பேர் கடற் படையினர் ஊடாக படகுகள் மூலம் மீட்கப்பட்டனர்.

கிண்ணியா குட்டி கராச்சி வீதி மூடப்பட்டுள்ளதுடன் திருகோணமலை மட்டக்களப்பு வீதி மற்றும் திருகோணமலை புல்மோட்டை வீதி மற்றும் கந்தளாய் சேறுவில வீதி மூடப்பட்டுள்ளதாகவும் மாவட்ட அரசாங்க அதிபர் மேலும் கூறினார்.

மாவிலாறு அணைக்கட்டு உடைக்கப்பட்டதையடுத்து முப்படையினரும் ஈடுபட்டு மக்களை மீட்கும் நடவடிக்கையில் ஈடுபட்டதையும் எம்மால் காண கூடியதாக இருந்தது.