ஜப்பானில் 10 பேருடன் காணாமல்போன இராணுவ ஹெலிகாப்டர்!

ஜப்பானின் தெற்கு பகுதியில் 10 நபர்களுடன் புறப்பட்டுச் சென்ற ராணுவ ஹெலிகாப்டர் ஒன்று காணாமல் போயுள்ளதாக தகவல் வெளியாகியுள்ளது.

குறித்த ஹெலிகாப்டர் மியாகோ தீவு அருகே சென்றபோது ரேடாரில் இருந்து மறைந்ததாக அதிகாரிகள் தெரிவித்துள்ளனர். இந்த ஹெலிகாப்டர் விபத்தில் சிக்கியிருக்கலாம் என அஞ்சப்படுவதுடன், தகவல் தொடர்பும் துண்டிக்கப்பட்டுள்ளதாகவும் கூறப்படுகிறது.

இதையடுத்து கடலோர காவல் படையின் மீட்புக்குழுவினர் தேடும் பணியில் ஈடுபட்டுள்ளனர். நான்கு ரோந்து கப்பல்கள் தேடும் பணியில் ஈடுபடுத்தப்பட்டுள்ளன.