சிசுவின் சடலத்தை கொண்டுச் செல்வதில் சிக்கல்; பெற்றோர் தவிப்பு

சிசுவின் சடலத்தை ஊருக்கு கொண்டுச் செல்வதில் சிக்கல் கிளிநொச்சியில் சம்பவம்

உயிரிழந்த சிசுவின் சடலம் 2 நாட்களின் பின் இறுதிக் கிரியைக்காக கொண்டுச் செல்லப்பட்ட சம்பவம் ஒன்று கிளிநொச்சியில் இடம்பெற்றுள்ளது.

நான்கு மாதம் நிரம்பிய குறித்த கைக்குழந்தை கிளிநொச்சி வைத்தியசாலையில் சிகிச்சைக்காக அனுமதிக்கப்பட்டிருந்து.

இந்த நிலையில் குறித்த குழந்தை நேற்று முன்தினம் சிகிச்சை பலனின்றி உயிரிந்தது.

நிலவும் சீரற்ற காலநிலையால், சொந்த இடமான சுண்டிக்குளம் பகுதிக்கு சிசுவின் சடலத்தை கொண்டு செல்ல முடியாத நிலை காணப்பட்டது.

இரணைமடுக் குளத்திலிருந்து வெளியேறும் பாரிய வெள்ள நீர் காரணமாக கண்டாவளை பகுதியில் காணப்பட்ட பாலம் சேதமடைந்து போக்குவரத்து பாதிக்கப்பட்டிருந்து.

இந்த நிலையில் இன்றைய தினம் காலை இராணுவத்தின் உதவியுடன் சடலம் கொண்டு செல்லப்பட்டது.

40 அடியாக காணப்பட்ட இரணைமடுக் குளம் தற்போது 38 அடிக்குக் குறைவாக காணப்படுகின்றது. நீர் வரத்து குறைந்து வருவதால், வான் வழியாக செல்லும் நீரும் குறைந்துள்ளது.