இலங்கையின் சுற்றுலாப் பயணிகளுக்கான 24 மணி நேர உதவி அறிவிப்பு

இலங்கையில் தற்போது நிலவும் கடுமையான வானிலை (severe weather) காரணமாகப் பாதிக்கப்பட்டுள்ள சுற்றுலாப் பயணிகளுக்காக, இலவச வீசா நீட்டிப்பு (free visa extensions) மற்றும் பயண இடையூறுகளை சரிசெய்யும் வகையில் விமான நிறுவனங்களின் விதிமுறைகளில் (flexible airline policies) சிறப்பு மாற்றங்களை அறிவித்துள்ளன.

தற்போதைய சூழ்நிலையில் வீசா காலாவதியான அனைத்து சுற்றுலாப் பயணிகளுக்கும் இலவசமாக வீசா நீட்டிப்புகள் வழங்கப்படும்.

வெள்ளம் மற்றும் போக்குவரத்து இடையூறுகள் காரணமாக ஏற்பட்ட தவிர்க்க முடியாத தாமதங்களால் சுற்றுலாப் பயணிகள் பாதிக்கப்படுவதையோ அல்லது சிரமப்படுவதையோ தவிர்க்கவே இந்த முடிவு எடுக்கப்பட்டதாக அதிகாரிகள் தெரிவித்தனர்.

இலங்கைக்குச் செல்லும் மற்றும் இலங்கையில் இருந்து இயங்கும் விமான நிறுவனங்களின் விதிமுறைகளில் (flexible airline policies) சிறப்பு மாற்றங்களை அறிமுகப்படுத்தியுள்ளன.

இவை பின்வருமாறு:
மோசமான வானிலை காரணமாகத் தங்கள் விமானப் பயண அட்டவணையை மாற்ற வேண்டிய கட்டாயத்தில் உள்ள பயணிகளுக்கான விமான இரத்து கட்டணங்கள் (flight cancellation fees) மற்றும் திகதி மாற்றக் கட்டணங்கள் (date-change charges) முழுமையாக விலக்கப்பட்டுள்ளன.

பாதிக்கப்பட்ட பயணிகள் கூடுதல் செலவு இல்லாமல் பயணத் தேதிகளைச் சரிசெய்ய அனுமதிக்கப்படுமாறு விமான நிறுவனங்களுக்கு அறிவுறுத்தப்பட்டுள்ளது.

கட்டண விலக்குகள் மற்றும் வசதிக்கு ஏற்றவாறு மறுபதிவு (flexible rebooking) வசதிகளைப் பெற, ஒரு பயணி தாங்கள் வானிலை மாற்றத்தால் பாதிக்கப்பட்டுள்ளதாக சுய அறிவிப்பு (self-declaration) அளித்தாலே போதுமானது என்று சுற்றுலா அதிகாரிகள் குறிப்பிட்டுள்ளனர்.

அதிகாரிகள் தற்போது இலங்கையில் உள்ள சுற்றுலாப் பயணிகளைப் பாதுகாப்பாக இருக்குமாறும், உத்தியோகபூர்வ ஆலோசனைகளைப் பின்பற்றுமாறும் கேட்டுக்கொண்டனர்.

உதவி தேவைப்படும் நிலையில் 1912 என்ற சுற்றுலா அவசர உதவி எண்ணைத் தொடர்பு கொள்ளுமாறும் அவர்கள் அறிவுறுத்தியுள்ளனர்.