ஹெரோயினுடன் ‘வெலிவிட்ட சுதா’ கைது: சட்டவிரோத சொத்துக்கள் கைப்பற்றல்
சந்தேகத்திற்குரிய போதைப்பொருள் கடத்தல்காரரும் ஒழுங்கமைக்கப்பட்ட குற்றக் கும்பல் உறுப்பினருமான ‘வெலிவிட்ட சுதா’ என அழைக்கப்படும் சுதத் கித்சிறியை கடுவெல பொலிஸார் இன்று கைது செய்துள்ளனர்.
சந்தேகநபர் 15 கிராம் 300 மில்லிகிராம் ஹெரோயின் வைத்திருந்த போது, மாலபே வெலிவிட்ட பகுதியில் வைத்து கைது செய்யப்பட்டதாக பொலிஸார் தெரிவித்தனர்.
கிரிஸ்டல் மெத்தம்பேட்டமைன் (ஐஸ்) வைத்திருந்த குற்றச்சாட்டின் பேரில் ‘வெலிவிட்ட சுத்தா’ முன்னர் கைது செய்யப்பட்டதைத் தொடர்ந்து பிணையில் விடுவிக்கப்பட்டிருந்த நிலையில், இலங்கை காவல்துறையின் சட்டவிரோத சொத்துக்கள் மற்றும் சொத்து விசாரணைப் பிரிவு அவரிடம் விசாரணைகளை முன்னெடுத்திருந்தது.
இதேவேளை, கடுவெல பொலிஸ் நிலையத்திற்கு கிடைத்த தகவலின் அடிப்படையில் சந்தேகநபர் சட்டவிரோதமான முறையில் சொத்துக்களை சம்பாதித்ததாக சந்தேகிக்கப்படும் ஐந்து பஸ்கள், கார் மற்றும் மோட்டார் சைக்கிள் என்பன பொலிஸாரால் கைப்பற்றப்பட்டுள்ளன.
குறித்த சொத்துக்கள் சந்தேக நபர் தனது உறவினர் சகோதரரின் பெயரில் பெற்றுக்கொண்டமை விசாரணையில் தெரியவந்துள்ளது.
(Visited 5 times, 1 visits today)
