இந்தோனேசியாவை உலுக்கிய எரிமலை குமுறல் – விமானச் சேவைகள் இரத்து

இந்தோனேசியாவில் லெவோடொபி லகி-லகி (Lewotobi Laki-Laki) எரிமலை மிகப்பெரிய அளவில் குமுற ஆரம்பித்துள்ளது.

இந்த சம்பவத்தைக் கருத்தில்கொண்டு பாலி தீவுக்குச் செல்லவிருந்த அல்லது அங்கிருந்து புறப்படவிருந்த குறைந்தது 24 விமானச் சேவைகள் ரத்து செய்யப்பட்டுள்ளன.

Jetstar, Virgin Australia, Air India, Air New Zealand, Scoot, Juneyao Airlines போன்ற விமானச் சேவைகள் அதில் அடங்கும்.

கிழக்கு நூசா தெங்காரா மாநிலத்தில் இருக்கும் லெவோடொபி லகி-லகி எரிமலை 11 கிலோமீட்டர் உயரத்துக்குச் சாம்பலும் புகையும் கக்கியதாக இந்தோனேசிய எரிமலை ஆய்வுத்துறை தெரிவித்திருந்தது.

சம்பவத்தின் தொடர்பில் பொருட்சேதம், உயிர்ச்சேதம் குறித்து எந்தத் தகவலும் இல்லை.