மனைவி மற்றும் 5 குழந்தைகள் கண் முன்னே மலையிலிருந்து தவறி விழுந்து குடும்பஸ்தர் பலி!

அமெரிக்காவில் ஓரிகானின் மல்ட்னோமா நீர்வீழ்ச்சிக்கு அருகில் நடைபயணம் மேற்கொண்டபோது மனைவி மற்றும் 5 குழந்தைகள் கண் முன்னே மலையிலிருந்து தவறி விழுந்து 40 வயது நபர் உயிரிழந்துள்ளார்

இந்த சம்பவம் ஜூலை 2 ஆம் திகதி மதியம் 2 மணியளவில் ஓரிகானின் மிக உயரமான 620 அடி நீர்வீழ்ச்சிக்கு அருகிலுள்ள ஒரு நடைபாதையான பென்சன் பாலத்திற்கு அருகில் நடந்துள்ளது.

ஜெரார்டோ எங்கு விழுந்தார் என்பதை கண்டுபிடிக்க முடியாததால், மீட்பு படையினரும், தீ அணைப்பு வீரர்களும் வரவழைக்கப்பட்டனர்.

அதிகாரிகளின் கூற்றுப்படி, மீட்பு அமைப்புகள் மற்றும் தீயணைப்பு வீரர்கள் தலைமையில் 45 நிமிட தேடுதல் நடவடிக்கைக்குப் பிறகு, ஜெரார்டோ இறந்து கிடப்பதைக் கண்டனர்.

ஜெரார்டோ ஹெர்னாண்டஸ்-ரோட்ரிகஸின் மலையிலிருந்து தவறி விழுந்தமைக்கு மதுவே காரணம் என்று அதிகாரிகள் மேலும் தெரிவித்தனர்.

ஒவ்வொரு ஆண்டும் மல்ட்னோமா நீர்வீழ்ச்சிக்கு ஏறக்குறைய 2 மில்லியன் மக்கள் வருகை தருகின்றனர் என்பதும் குறிப்பிடத்தக்கது.