இந்தோனேசியாவில் போதைப்பொருள் குற்றச்சாட்டில் உக்ரைன் நாட்டவருக்கு ஆயுள் தண்டனை

இந்தோனேசியாவின் பாலி சுற்றுலாத் தீவில் ஒரு பெரிய அளவிலான ரஷ்ய-உக்ரைன் போதைப்பொருள் வளையத்தில் ஈடுபட்டதற்காக உக்ரைன் நாட்டவருக்கு ஆயுள் தண்டனை விதிக்கப்பட்டுள்ளது.

இன்டர்போலால் தப்பியோடியவராக பட்டியலிடப்பட்ட ரோமன் நசரென்கோவை, கடந்த டிசம்பர் மாதம் பாங்காக்கின் சுவர்ணபூமி விமான நிலையத்தில் துபாய்க்கு தப்பிச் செல்ல முயன்றபோது தாய்லாந்து அதிகாரிகள் கைது செய்தனர், பின்னர் அவர் இந்தோனேசியாவிற்கு நாடு கடத்தப்பட்டார்.

மே 2024ல் பாலியில் உள்ள ஒரு விடுமுறை வில்லாவை பொலிசார் சோதனை செய்த பின்னர் கஞ்சா பயிரிடவும் செயற்கை போதைப்பொருள் எக்ஸ்டசியின் முன்னோடியை உற்பத்தி செய்யவும் பயன்படுத்தப்படும் ஒரு ஆய்வகத்தைக் கண்டுபிடித்த பிறகு அவர் தலைமறைவானார்.

“பிரதிவாதியை மன்னிக்கவோ அல்லது நியாயப்படுத்தவோ எந்த காரணமும் இல்லை; அவர் செய்ததற்கு ஏற்ப அவர் தண்டிக்கப்பட வேண்டும்” என்று தலைமை நீதிபதி எனி மார்டினிங்ரம் குறிப்பிட்டுள்ளார்.