அர்ஜென்டினாவில் இன்ஸ்டாகிராம் நேரலையில் நடந்த கொலையை கண்டித்து ஆயிரக்கணக்கானோர் ஆர்ப்பாட்டம்

அர்ஜென்டினாவின் தலைநகரான பியூனஸ் அயர்ஸில், இரண்டு இளம் பெண்கள் மற்றும் ஒரு சிறுமி சித்திரவதை செய்து கொலை செய்யப்பட்டதற்கு நீதி கோரி ஆயிரக்கணக்கானோர் ஆர்ப்பாட்டத்தில் ஈடுபட்டுள்ளனர்.

கொலைகள் இன்ஸ்டாகிராம் தளத்தில் நேரடியாக ஒளிபரப்பப்பட்டதை அடுத்து, அர்ஜென்டினா மக்கள் கொலைகளைக் கண்டித்து வீதிகளில் இறங்கினர்.

20 வயதுடைய உறவினர்களான மொரேனா வெர்டி மற்றும் பிரெண்டா டெல் காஸ்டிலோ மற்றும் 15 வயது லாரா குட்டிரெஸ் ஆகியோரின் உடல்கள், காணாமல் போன ஐந்து நாட்களுக்குப் பிறகு, பியூனஸ் அயர்ஸின் தெற்கு புறநகர்ப் பகுதியில் உள்ள ஒரு வீட்டின் முற்றத்தில் புதைக்கப்பட்ட நிலையில் கண்டெடுக்கப்பட்டன.

பாதிக்கப்பட்டவர்கள், ஒரு விருந்துக்குச் செல்வதாக நினைத்து, ஒரு வேனில் அழைத்துச் செல்லப்பட்டதாகக் கூறப்படுகிறது.