பிரபல ஜேர்மன் பாடிபில்டர் திடீர் மரணம்; அதிர்ச்சியில் ரசிகர்கள்

பிரபல ஜேர்மன் பாடிபில்டர் 30 வயதில் திடீரென உயிரிழந்த சம்பவம் பெரும் அதிர்ச்சியை ஏற்படுத்தியுள்ளது.

ஜேர்மன் பாடிபில்டர் மற்றும் யூடியூப் நட்சத்திரம் ஜோ லிண்ட்னர் என்கிற Joesthetics தனது 30வது வயதில் திடீரென காலமானார். அவர் தலை நரம்பு வெடித்ததால் இறந்ததாக கூறப்படுகிறது.

இளம் வயதிலேயே, தனது உடல் கட்டமைப்பால் பிரபலமான ஜோ லிண்ட்னர், உலகம் முழுவதும் உள்ள இளைஞர்களுக்கு உத்வேகமாக இருந்தார். சமூக ஊடக இன்ஃப்ளுயன்சரான Joesthetics, இன்ஸ்டாகிராமில் 8.5 மில்லியன் பின்தொடர்பவர்களையும், அவரது யூடியூப் சேனலில் 9.5 லட்சம் சப்ஸ்கிரைபர்களுடன் 500 மில்லியன் பார்வைகளையும் பெற்றிருந்தார்.இந்நிலையில் அவரது திடீர் மறைவு அவரது ரசிகர்களிடையே பெரும் அதிர்ச்சியை ஏற்படுத்தியுள்ளது.

ஜோ லிண்ட்னர் ராஷ்மிகா மந்தனா நடித்த கன்னட திரைப்படமான போகருவிலும் நடித்துள்ளார் என்பது குறிப்பிடத்தக்கது.

லிண்ட்னருக்கு அனியூரிசம் என்ற ஆபத்தான நோய் இருந்தது. இந்த நோய் பொதுவாக தலை, கால்கள் மற்றும் வயிற்றில் ஏற்படுகிறது.இந்த நோயின் அறிகுறிகளைக் கூறுவது கடினம். ஏனெனில் அதன் அறிகுறிகள் தெரிவதில்லை. உடலின் ஒரு பகுதியில் இருந்து திடீரென ரத்தக் கசிவு, திடீரென இதயத் துடிப்பு அதிகரிப்பு, நரம்புகளில் கடுமையான வலி, தலைசுற்றல், கண்களுக்கு மேல் அல்லது கீழ் வலி ஆகியவை இந்நோயின் முக்கிய அறிகுறிகளாகும்.

தொடர்புடைய செய்திகள்:

ரஷ்யாவில் வெளிநாட்டு வார்த்தைகள் பயன்படுத்த தடை! புடின் விடுத்துள்ள உத்தரவு பிரான்ஸ் கடற்கரையில் கரையொதுங்கிய பைகள்: சோதனையிட்ட பொலிஸாருக்கு காத்திருந்த அதிர்ச்சி ! ஜெர்மனியில் பண விநியோக இயந்திரங்களை தவிர்க்கும் மக்கள் இத்தாலிய பாராளுமன்றத்தில் குழந்தைக்கு தாய்ப்பால் கொடுத்த நாடாளுமன்ற உறுப்பினர்