மகனை காப்பாற்ற முயன்ற தந்தை செங்கற்களால் அடித்துக் கொலை

சிறுவர்கள் குழுவிடமிருந்து தனது மகனைக் காப்பாற்ற முயன்ற 38 வயது நபர் ஒருவர் இந்தியாவில் செங்கற்களால் அடித்துக் கொல்லப்பட்டார்.

ஓக்லா இரண்டாம் கட்டத்தின் சஞ்சய் காலனி பகுதியில் இந்த சம்பவம் நடந்ததாக டெல்லி காவல்துறை தெரிவித்துள்ளது.

முகமது ஹனிப் தாக்கப்பட்டார். இந்த மோதலில் அவரது இரண்டு இளைய மகன்களும் காயமடைந்துள்ளதாகத் தெரிவிக்கப்படுகிறது.

உயிரிழந்த ஹனிஃபின் 14 வயது மகன் நேற்று இரவு 11.00 மணியளவில் வீதியொன்றில் நிறுத்தப்பட்டிருந்த தனது சைக்கிளை எடுப்பதற்காக வெளியே சென்றுள்ளார்.

அப்போது அதில் அமர்ந்திருந்த நான்கைந்து சிறுவர்கள் கொண்ட கும்பல் சாலையை மறித்து அவர்களை வெளியேறுமாறு கூறியும் அவர்கள் மறுத்துவிட்டனர். பின்னர் வாக்குவாதம் ஏற்பட்டு மோதலாக மாறியுள்ளது.

அதன்படி, வெளியே கேட்ட சலசலப்பை தடுப்பதற்காக ஹனிப் வீட்டை விட்டு வெளியே ஓடி வந்ததாகத் தெரிவிக்கப்படுகிறது. தனது மகனை சிறுவர்கள் குழு தாக்கியதைக் கண்டு அவரைக் காப்பாற்ற முயன்றதாகக் கூறப்படுகிறது.

ஆனால், அந்த முயற்சி வெற்றிபெறவில்லை, ஏனெனில் குழந்தைகள் குழு செங்கற்களை எடுத்து அவரைத் தாக்கத் தொடங்கியது.

சம்பவம் குறித்த தகவலைப் பெற்ற ஒரு பொலிஸ் குழு உடனடியாக சம்பவ இடத்திற்குச் சென்று உடனடியாக ஹனீப்பை சிகிச்சைக்காக அனுப்பி வைத்தது, ஆனால் அவர் ஏற்கனவே இறந்துவிட்டதாக மருத்துவர்கள் அறிவித்தனர்.

சம்பவம் தொடர்பிலான மேலதிக விசாரணைகளை பொலிஸார் ஆரம்பித்துள்ளதாகவும் சந்தேகநபர்களை கண்டுபிடிக்கும் விசாரணைகள் முன்னெடுக்கப்பட்டு வருவதாகவும் இந்திய ஊடகங்கள் குறிப்பிடுகின்றன.