40 உய்குர்களை சீனாவிற்கு நாடு கடத்தும் தாய்லாந்து

சித்திரவதை மற்றும் மரணத்தை கூட எதிர்கொள்ள நேரிடும் என்று உரிமைக் குழுக்களின் எச்சரிக்கைகள் இருந்தபோதிலும், 40 உய்குர்கள் சீனாவிற்கு நாடு கடத்தப்பட்டுள்ளதாக தாய்லாந்து அதிகாரிகள் உறுதிப்படுத்தியுள்ளனர்.

பாங்காக் தடுப்பு மையத்தில் 10 ஆண்டுகளாக தடுத்து வைக்கப்பட்டிருந்த இந்தக் குழு சீனாவின் ஜின்ஜியாங் பகுதிக்கு திருப்பி அனுப்பப்பட்டதாகக் தெரிவிக்கப்பட்டுள்ளது.

ஜின்ஜியாங்கின் வடமேற்குப் பகுதியில் உய்குர் மக்கள் மற்றும் பிற பெரும்பாலும் முஸ்லிம் இனக்குழுக்களுக்கு எதிராக மனிதகுலத்திற்கு எதிரான குற்றங்களைச் செய்ததாகவும், இனப்படுகொலை செய்ததாகவும் சீனா மீது குற்றம் சாட்டப்பட்டுள்ளது. பெய்ஜிங் அனைத்து குற்றச்சாட்டுகளையும் மறுக்கிறது.

2015 ஆம் ஆண்டுக்குப் பிறகு தாய்லாந்து உய்குர்களை நாடு கடத்துவது இதுவே முதல் முறை.