இலங்கையில் பொலிஸாரின் துப்பாக்கிச் சூட்டில் நபர் மரணமடைந்ததால் ஏற்பட்ட பதற்றம்
நாரம்மல பிரதேசத்தில் பொலிஸாரின் துப்பாக்கிச் சூட்டில் சாரதி ஒருவர் உயிரிழந்ததையடுத்து, நேற்று இரவு ஏற்பட்ட பதற்றமான சூழ்நிலை ஏற்பட்டுள்ளது.
எனினும் தற்போது முற்றாக நிலைமை கட்டுப்பாட்டுக்குள் கொண்டுவரப்பட்டுள்ளது. இச்சம்பவம் ரன்முத்துகல, நாரம்மல பகுதியில் இடம்பெற்றுள்ளது.
வீதியில் பயணித்த சிறிய ரக லொறியை நிறுத்துமாறு பொலிஸ் அதிகாரிகள் சமிக்ஞை செய்த போதிலும், பொலிஸ் உத்தரவை மீறி அது இயங்கிக்கொண்டிருந்தது.
நாரம்மல பொலிஸார் லொறியை துரத்திச் சென்று தடுத்து நிறுத்தியதாக பொலிஸார் தெரிவித்தனர்.
பின்னர், குறித்த சாரதியை சோதனையிட்ட போது, பொலிஸ் உத்தியோகத்தர் ஒருவரின் துப்பாக்கியால் சுடப்பட்டதுடன், குறித்த சாரதியும் சுடப்பட்டுள்ளார்.
நாரம்மல வைத்தியசாலையில் அனுமதிக்கப்பட்ட நிலையில் சாரதி உயிரிழந்ததையடுத்து இந்த பதற்றமான சூழல் ஏற்பட்டுள்ளது.
இச்சம்பவத்தையடுத்து, அப்பகுதி மக்கள் பொலிஸாருக்கு எதிராக ஆர்ப்பாட்டத்தில் ஈடுபட்டதுடன், சிலர் அமைதியற்ற விதத்தில் நடந்து கொண்டதாக தெரிவிக்கப்படுகிறது.
நாரம்மல பொலிஸ் நிலையத்தின் சொத்துக்களுக்கும் சிலர் சேதம் விளைவித்துள்ளதாக தெரிவிக்கப்படுகின்றது.
பின்னர், நிலைமையை கட்டுப்படுத்த பொலிஸ் விசேட அதிரடிப்படையினர் வரவழைக்கப்பட்டனர்.
குறித்த லொறியை சோதனையிட சென்ற இரண்டு பொலிஸ் உத்தியோகத்தர்களும் சிவில் உடையில் இருந்ததாக சில தகவல்கள் சுட்டிக்காட்டுகின்றன.
வத்தேகந்த பிரதேசத்தைச் சேர்ந்த 41 வயதுடைய நபரே சம்பவத்தில் உயிரிழந்துள்ளார்.
சம்பவத்தில் துப்பாக்கியை பயன்படுத்தியதாக கூறப்படும் சப்-இன்ஸ்பெக்டர் கைது செய்யப்பட்டுள்ளார்.
(Visited 6 times, 1 visits today)
