ஐக்கிய அரபு எமிரேட்ஸில் சமூக ஊடகங்களில் அவதூறாக திட்டினால் அபராதம்

இணையத்தில் அவதூறான செயல்கள் மற்றும் அவதூறான வார்த்தைகளை பயன்படுத்துபவர்களுக்கு அபராதம் விதிக்கப்படும் என ஐக்கிய அரபு எமிரேட்ஸ் அறிவித்துள்ளது.

நாட்டின் பொது வழக்கு விசாரணை ஆணையத்தின்படி, ஒருவரின் நற்பெயருக்கு சேதம் விளைவிப்பதற்காக 250,000 திர்ஹாம்கள் மற்றும் 500,000 திர்ஹாம்கள் அபராதம் விதிக்கப்படும் என்று வெளிநாட்டு ஊடகங்கள் தெரிவிக்கின்றன.

நாட்டின் சட்டத்தின்படி (2021 ஆம் ஆண்டின் மத்திய அரசாணை எண். 34ன் பிரிவு 43) பொதுத்துறை ஊழியர் மீது இதுபோன்ற அவமதிப்பு நடந்தால், அதற்குரிய தண்டனை கடுமையாக இருக்கலாம் என்றும் கூறப்பட்டுள்ளது.

நாட்டின் சமூக ஊடக விதிகள் மிகவும் கடுமையானவை, வாட்ஸ்அப்பில் தனது மனைவியை “முட்டாள்” என்று அழைத்த நபருக்கு சிறைத்தண்டனை மற்றும் 20,000 திர்ஹாம் அபராதம் விதிக்கப்பட்டுள்ளது.