கனடா பிரதமரின் அறிக்கையை நிராகரித்த இலங்கை

கனடா பிரதமரின் அறிக்கையை இலங்கையின் வெளிவிவகார அமைச்சு நிராகரித்துள்ளது.

கனேடிய பிரதமர் ஜஸ்டின் ட்ரூடோ கடந்த 23ஆம் திகதி வெளியிட்ட அறிக்கையில் இடம்பெற்றுள்ள விடயம் தொடர்பில் கருத்து வெளியிடும் போதே வெளிவிவகார அமைச்சு இதனைக் குறிப்பிடுகிறது.

கனேடியப் பிரதமர் தனது அறிக்கையில் தமிழ் இனப்படுகொலை நினைவு நாள் என்று குறிப்பிட்டுள்ளதை வெளிவிவகார அமைச்சு திட்டவட்டமாக நிராகரிப்பதாக அது மேலும் தெரிவிக்கிறது.

இலங்கையின் கடந்த கால முரண்பாடுகள் குறித்து, நாட்டின் தேர்தல் வெற்றியை இலக்காகக் கொண்டு வெளியிடப்படும் இவ்வாறான பொய்யான அறிக்கைகள் இன நல்லிணக்கத்திற்கு தடையாக இருப்பதாகவும் வெளிவிவகார அமைச்சு கூறுகிறது.

அத்துடன், இலங்கையின் ஸ்திரத்தன்மை, முன்னேற்றம் மற்றும் நல்லிணக்கத்திற்கு ஆதரவளிக்குமாறு இலங்கையின் வெளிவிவகார அமைச்சு கனடாவிடம் மேலும் கோரிக்கை விடுத்துள்ளது.