கடவுச்சீட்டு தரவரிசையில் இலங்கை மற்றும் இந்தியாவிற்கு கிடைத்த இடம்

உலகளாவிய கடவுச்சீட்டு தரவரிசையில் இலங்கையின் கடவுச்சீட்டு பின்னடைவு கண்டுள்ளது.

ஹென்லி கடவுச்சீட்டு தரவரிசையில், இலங்கை கடவுச்சீட்டு 98வது இடத்திற்கு பின்தள்ளப்பட்டுள்ளது.

தற்போதைய இலங்கை கடவுச்சீட்டின் தரத்திற்கு அமைய உலகில் 41 நாடுகளுக்கு விசா இல்லாமல் செல்ல அனுமதிக்கிறது.

செப்டம்பர் 11ஆம் திகதியன்று வெளியிடப்பட்ட குறியீட்டில் இலங்கை 97வது இடத்தில் இருந்தது.

2024 ஆம் ஆண்டில் 96வது இடத்தில் இருந்த இலங்கை, இந்த ஆண்டின் தொடக்கத்தில் 5 இடங்கள் முன்னேறி 91வது இடத்தை பிடித்ததன் மூலம் குறிப்பிடத்தக்க முன்னேற்றம் கண்டது. எனினும் தற்போது அதில் வீழ்ச்சி நிலை ஏற்பட்டுள்ளமை குறிப்பிடத்தக்கது.

உலகின் மிகவும் சக்திவாய்ந்த கடவுச்சீட்டு என்ற சிறப்பு சிங்கப்பூருக்கு சொந்தமானது. சிங்கப்பூர் கடவுச்சீட்டு மூலம் 193 நாடுகளுக்கு விசா இல்லாமல் பயணிக்க அனுமதிக்கிறது.

தென் கொரியா (190) இரண்டாவது இடத்தில் உள்ளது, அதே நேரத்தில் ஜப்பான் (190) மூன்றாவது இடத்தில் உள்ளது.

அண்டை நாடான இந்தியாவும் 5 இடங்கள் சரிந்து 85வது இடத்தை பிடித்துள்ளது. இந்திய கடவுச்சீட்டை பயன்படுத்தி 57 நாடுகளுக்கு விசா இல்லாமல் செல்ல அனுமதிக்கிறது.

தெற்காசிய நாடுகள் பங்களாதேஷ் 100வது இடத்திலும், பாகிஸ்தான் 103வது இடத்திலும் உள்ளன.

ஆப்கானிஸ்தான் கடைசி இடத்தில் உள்ளது, 106வது இடத்தில் உள்ளது. அதன் குடிமக்கள் விசா இல்லாமல் 24 நாடுகளுக்கு மட்டுமே பயணிக்க முடியும்.