தென்னாபிரிக்கா அணி அபார வெற்றி: மண்கவ்வியது மே.தீவுகள்!

மேற்கிந்திய West Indies தீவுகள் அணிக்கு எதிரான ஆட்டத்தில் தென்னாபிரிக்கா South Africa அணி 9 விக்கெட்டுகளால் வெற்றிபெற்று, அரையிறுதிக்கு தெரிவாகியுள்ளது.

இப்போட்டியில் நாணயச் சுழற்சியில் வெற்றிபெற்ற தென்னாபிரிக்கா அணி முதலில் பந்துவீச்சை தெரிவு செய்தது.

இதற்கமைய துடுப்பெடுத்தாடிய மேற்கிந்திய தீவுகள் அணி, 83 ஓட்டங்களுக்குள் 7 விக்கெட்டுகளை இழந்து தடுமாறியது.

எனினும், ஹோல்டர் – சைபர்ட் இருவரும் இணைந்து அணியை சரிவில் இருந்து மீட்கும் பணியில் ஈடுபட்டனர். இருவரும் அதிரடி ஆட்டத்தை ஈடுபட்டனர்.

இதனால் அணியில் ஸ்கோர் வேகமாக உயர்ந்தது. இந்த ஜோடி 8-வது விக்கெட்டுக்கு 89 ஓட்டங்களைப் பெற்றது.

இறுதியில் மேற்கிந்திய தீவகள் அணி 20 ஓவர்கள் நிறைவில் 8 விக்கெட்டுகளை இழந்து 176 ஓட்டங்களைப் பெற்றது.

இதையடுத்து 177 ஓட்டங்களை பெற்றால் வெற்றி என்ற இலக்குடன் களமிறங்கிய தென்னாபிரிக்கா அணி ஒரு விக்கெட்டை மாத்திரம் இழந்து 16.1 ஓவர்களில் வெற்றி இலக்கை அடைந்தது.