ஆஸ்திரேலியாவில் முக சுருக்கங்களை நீக்க முயற்சித்த பெண்ணுக்கு காத்திருந்த அதிர்ச்சி

ஆஸ்திரேலியாவில் முக சுருக்கங்களை நீக்க ஊசியில் பெற்ற சிகிச்சை விஷமானதால் சிட்னி பெண் ஒருவர் தீவிர சிகிச்சையில் அனுமதிக்கப்பட்டுள்ளார்.

அந்தச் செய்தியுடன், சிட்னி சுகாதார பிரிவு இந்த தடுப்பூசிகளை பெற்றுக் கொள்ளும் பெண்களுக்கு எச்சரிக்கைகளை வெளியிட நடவடிக்கை எடுக்கப்பட்டுள்ளது.

அதாவது, சுருக்கங்களை நீக்கப் பயன்படுத்தப்படும் ஊசிகள் விஷமாகியதால் பொது சுகாதார அதிகாரிகள் இதுபோன்ற விடயங்களைத் தவிர்க்குமாறு பெண்களுக்கு அறிவுறுத்துகின்றனர்.

சம்பந்தப்பட்ட பெண் தற்போது சிட்னி மருத்துவமனையின் தீவிர சிகிச்சைப் பிரிவில் சிகிச்சை பெற்று வருகிறார்.

கட்டுப்பாடற்ற அழகுசாதன ஊசிகளின் ஆபத்துகள் குறித்து நியூ சவுத் வேல்ஸ் சுகாதார பிரிவு பெண்களுக்கு எச்சரிக்கை விடுத்துள்ளது, மேலும் உரிமம் பெற்ற நிபுணர்களிடமிருந்து மட்டுமே அழகுசாதன ஊசிகளைப் பெறுமாறு அவர்களை வலியுறுத்தியுள்ளது.

அழகுசாதனப் பொருட்களுக்கான ஊசிகள் தவறாகப் பயன்படுத்தப்பட்டால் கடுமையான தீங்கு விளைவிக்கும், சில சமயங்களில் மரணத்தையும் கூட ஏற்படுத்தும் என்று அறிவுறுத்தப்படுகிறது.

இந்த சம்பவம் குறித்து நியூ சவுத் வேல்ஸ் பொலிஸார் மற்றும் சுகாதாரத் துறைகள் இணைந்து விசாரணையைத் தொடங்கியுள்ளன.