பாதுகாப்பு அச்சம் – விண்வெளித் திட்டங்களில் சீன நாட்டினருக்கு தடை விதித்த நாசா

நாசா தனது விண்வெளித் திட்டங்களில் சீன நாட்டினரின் பங்கேற்பை இடைநிறுத்த முடிவு செய்துள்ளது.

இது அமெரிக்காவிற்கும் சீனாவிற்கும் இடையிலான தீவிரமடைந்து வரும் விண்வெளிப் போட்டியை மீண்டும் ஒருமுறை குறிக்கிறது என்று அறிக்கைகள் குறிப்பிடுகின்றன.

செல்லுபடியாகும் விசாக்கள் கொண்ட சீன நாட்டினர் நாசா திட்டங்களில் பங்கேற்க தடை விதிக்கப்பட்டுள்ளதாக ப்ளூம்பெர்க் முதலில் தெரிவித்தது.

மேலும் அமெரிக்க வெளியுறவுத்துறையும் அதை உறுதிப்படுத்தியதாக வெளிநாட்டு அறிக்கைகள் தெரிவிக்கின்றன.

நாசாவின் பணியின் பாதுகாப்பை உறுதி செய்தல், உடல் மற்றும் சைபர் பாதுகாப்பு போன்ற காரணிகளைக் கருத்தில் கொண்டு, சீன நாட்டினர் அதன் உள் விவகாரங்களில் பங்கேற்க அனுமதிக்கக் கூடாது என்ற முடிவு எடுக்கப்பட்டுள்ளதாக நாசாவின் பத்திரிகைச் செயலாளர் கூறியுள்ளார்.