நவம்பர் 18ம் திகதி டிரம்பை சந்திக்கும் சவுதி பட்டத்து இளவரசர்

அமெரிக்க ஜனாதிபதி டொனால்ட் டிரம்புடன்(Donald Trump) அதிகாரப்பூர்வமாக ஒரு சந்திப்பை நடத்துவதற்காக சவுதி அரேபியாவின் பட்டத்து இளவரசர் முகமது பின் சல்மான்(Mohammed bin Salman) இந்த மாத இறுதியில் வாஷிங்டனுக்கு வருகை தருவார் என்று வெள்ளை மாளிகை தெரிவித்துள்ளது.

ஏழு ஆண்டுகளில் அமெரிக்க தலைநகருக்கு சவுதி அரேபியா இளவரசரின் இரண்டாவது வருகை இதுவாகும்.

இஸ்ரேல்Israel), ஐக்கிய அரபு எமிரேட்ஸ்(United Arab Emirates), பஹ்ரைன்(Bahrain), சூடான்(Sudan) மற்றும் மொராக்கோ(Morocco) உள்ளிட்ட பல அரபு நாடுகளுக்கு இடையிலான உறவுகளை இயல்பாக்குவதற்காக மத்தியஸ்தம் செய்யப்பட்ட ஆபிரகாம்(Abraham) ஒப்பந்தங்களில் சேர டிரம்ப் வலியுறுத்தும் நிலையில் சவுதி அரச குடும்பத்தின் வருகை அமைந்துள்ளது.

மேலும், பட்டத்து இளவரசரின் வருகையின் போது இரு நாடுகளுக்கும் இடையில் ஏதாவது ஒரு பாதுகாப்பு ஒப்பந்தம் கையெழுத்தாகும் என்று டிரம்ப் நிர்வாகத்தின் மூத்த அதிகாரி ஒருவர் குறிப்பிட்டுள்ளார்.

மே மாதம் டிரம்ப் ரியாத்திற்கு(Riyadh) மேற்கொண்ட பயணத்தின் போது, ​​அமெரிக்கா கிட்டத்தட்ட 142 பில்லியன் அமெரிக்க டாலர் மதிப்புள்ள ஒரு பெரிய ஆயுதப் பொதிக்கு ஒப்புக்கொண்டது.