வாக்னர் கூலிப்படையினர் மொஸ்கோவை நோக்கி நகர்ந்துகொண்டுள்ள நிலையில் மொஸ்கோவில் உள்ள பொதுகட்டிடங்களில் இருந்து மக்களை அகற்றும் நடவடிக்கைகள் இடம்பெறுகின்றன

கிரெம்ளினிற்கு அருகில் உள்ள அருங்காட்சியகத்திலிருந்து பொதுமக்களை வெளியேற்றும் நடவடிக்கைகள் இடம்பெறுகின்றன.

டீரெடியாக்காவ் கலரி புஸ்கின் அருங்காட்சியகம் உட்பட பொதுமக்கள் கூடும் இடங்களில் இருந்து அவர்கள் வெளியேற்றப்படுகின்றனர் என பிபிசி தெரிவித்துள்ளது.

ரஷ்யாவில் தலைநகர் உள்ளிட்ட பல பகுதிகளில் அவசர நிலை பிரகடனம்

ரஷ்யாவில் தலைநகர் மொஸ்கோ உட்பட பல பகுதிகளில் பயங்கரவாத எதிர்ப்பு அவசர நிலை பிரகடனப்படுத்தப்பட்டுள்ளது.

ரஷ்ய இராணுவத் தலைமையை வெளியேற்றுவதற்கான அனைத்து நடவடிக்கைகளையும் எடுப்பதாக வாக்னர் கூலிப்படையின் தலைவர் உறுதியளித்ததாக வெளிநாட்டு ஊடகங்கள் தெரிவிக்கின்றன.

ரஷ்யாவின் பலவீனம் வெளிப்படையானது! ஜெலென்ஸ்கி

உக்ரைன் ஜனாதிபதி வோலோடிமிர் ஜெலென்ஸ்கி, “ரஷ்யாவின் பலவீனம் வெளிப்படையானது” என்றும், மாஸ்கோ தனது துருப்புக்களையும் கூலிப்படையினரையும் உக்ரைனில் எவ்வளவு காலம் வைத்திருக்கிறதோ, அவ்வளவு குழப்பத்தை அது வீட்டிற்குத் திரும்ப அழைக்கும் என்றும் கூறுகிறார்.

ரஷ்ய இராணுவத்திற்கு எதிராக வாக்னர் கூலிப்படைத் தலைவர் யெவ்ஜெனி பிரிகோஜின் கிளர்ச்சிக்கு மத்தியில் அவர் ட்விட்டரில் கருத்து தெரிவித்தார்.

“ரஷ்யாவின் பலவீனம் வெளிப்படையானது. முழு அளவிலான பலவீனம்” என்று ஜெலென்ஸ்கி குறிப்பிட்டுள்ளார் .

“ரஷ்யா தனது துருப்புக்களையும் கூலிப்படையினரையும் எங்கள் நிலத்தில் எவ்வளவு காலம் வைத்திருக்கிறதோ, அவ்வளவு குழப்பம், வலி மற்றும் பிரச்சனைகள் பின்னர் தனக்குத்தானே ஏற்படுத்தும் என வோலோடிமிர் ஜெலென்ஸ்கி தெரிவித்துள்ளார்.

ரஷ்ய நெருக்கடியைக் கொண்டாடும் உக்ரைன் படைகள்

பாக்முட் அருகே, உக்ரைனியப் படைகள் ரஷ்ய நெருக்கடியைக் கொண்டாடுகின்றன சர்வதேச ஊடகங்கள் செய்தி வெளியிட்டுள்ளன.

உக்ரைனிய இராணுவ மருத்துவர்கள், கிழக்கு உக்ரைனில் உள்ள பாக்முட்டைச் சுற்றி அருகிலுள்ள போர்முனைகளில் இருந்து காயமடைந்த வீரர்கள் மத்தியில் ரஷ்யாவில் இராணுவக் கிளர்ச்சி பற்றிய செய்திகளை பரிமாறியுள்ளனர்.

“ரஷ்யாவில் தற்போது வெடித்துள்ள புரட்சி போரில் என்ன தாக்கத்தை ஏற்படுத்தும் என்று கணிப்பதில் எச்சரிக்கையாக இருக்க வேண்டும் எனவும் வலியுறுத்தியுள்ளனர்.

உக்ரைன் ஒரு முக்கிய எதிர் தாக்குதலின் நடுவில் இருப்பதால், குழப்பத்தை சாதகமாக்கிக் கொள்ள நாடு விரைந்து செல்லும் வாய்ப்பு உள்ளது – மற்றும் ரஷ்ய துருப்புக்களின் மன உறுதியில் வீழ்ச்சி ஏற்பட வாய்ப்புள்ளது.எனவும் உக்ரைனிய இராணுவ மருத்துவர்கள் குறிப்பிட்டுள்ளனர் .