சூடானில் போர் நிறுத்தத்திற்கு ஒப்புக்கொண்ட விரைவு ஆதரவுப் படை

சூடானின் துணை ராணுவப் படையான விரைவு ஆதரவுப் படைகள்(RSF), போர் நிறுத்தத்திற்கான அமெரிக்காவின் முன்மொழிவுக்கு ஒப்புக்கொண்டதாக தெரிவித்துள்ளது.

சவுதி அரேபியா(Saudi Arabia), எகிப்து(Egypt) மற்றும் ஐக்கிய அரபு எமிரேட்ஸ்(United Arab Emirates) ஆகியவற்றை உள்ளடக்கிய அமெரிக்கா தலைமையிலான “குவாட்”(Quad) மத்தியஸ்தர் குழுவால் முன்மொழியப்பட்ட மனிதாபிமான போர் நிறுத்தத்தை ஏற்றுக்கொள்வதாக துணை ராணுவக் குழு ஒரு அறிக்கையில் தெரிவித்துள்ளது.

இந்த போர் நிறுத்தம் “அனைத்து சூடான் மக்களுக்கும் மனிதாபிமான உதவிகளை அவசரமாக வழங்குவதை உறுதி செய்யும்” என்று அரபு மற்றும் ஆப்பிரிக்க விவகாரங்களுக்கான அமெரிக்க மூத்த ஆலோசகர் மசாத் பவுலோஸ்(Masad Boulos) தெரிவித்துள்ளார்.

மேலும், இந்தத் திட்டம் மூன்று மாத மனிதாபிமான போர் நிறுத்தத்துடன் தொடங்கும் என்றும், இது ஒரு புதிய சிவில் அரசாங்கத்தை உள்ளடக்கிய ஒரு நீடித்த அரசியல் தீர்வுக்கு வழி வகுக்கும் என்றும் குறிப்பிட்டுள்ளார்.