அயோத்தியில் ராமர் கோவில் கட்டும் பணிகள் தீவிரம்! பக்தர்களுக்காக திறக்கப்பவுள்ள கோயில் சன்னதி
அயோத்தியில் ராமர் கோவில் கட்டும் பணி தற்போது மிக வேகமாக முன்னெடுக்கப்பட்டு வருகின்றது.
அறக்கட்டளை நிர்வாகம் தீர்மானித்துள்ளதன்படி, ஜனவரி 2024 க்குள் ராமர் கோவில் சன்னதி பக்தர்களுக்கு திறக்கப்படுவதை உறுதி செய்வதற்காக, தொழிலாளர்களின் எண்ணிக்கையை 550 லிருந்து 1,600 ஆக அதிகரித்துள்ளது.
18 மணி நேர ஷிப்ட் முறையில் செய்து வந்த பணி தற்போது இரவு பகலாக நடந்து வருகிறது.
அடுத்த ஆண்டு ஜனவரி மாதம் நடைபெறவுள்ள பிரம்மாண்டமான ‘பிரான் பிரதிஷ்டை’ (கும்பாபிஷேகம்) விழாவில் ராமர் சிலை நிறுவப்படும் கருவறை (கற்ப கிரகம்) வளாகத்தின் தரை தளத்தில் தரை மற்றும் மின் பணிகள் மட்டுமே உள்ளன.
கோவிலை கட்டுவதற்காக மத்திய அரசால் அமைக்கப்பட்ட அறக்கட்டளையான ஸ்ரீ ராம் ஜென்மபூமி தீர்த்த க்ஷேத்ராவின் திட்ட மேலாளர் ஜெகதீஷ் அபலே, கூறுகையில், கோவிலின் தரை மற்றும் முதல் தளங்கள் இரண்டும் ஜனவரிக்குள் முடிக்கப்படும்.என தெரிவித்துள்ளார் .
இது தொடர்பில் மேலும் தெரிவிக்கையில் ”தற்போது, தரைதளத்தை முடித்து, டிசம்பருக்குள் கும்பாபிஷேகத்துக்கு தயார்படுத்துவதே எங்கள் முன்னுரிமை. முதல் தளத்தின் பணிகள் ஜூலை 1 ஆம் திகதி தொடங்கியது, மேலும் அதன் முக்கிய கட்டமைப்புகள், ஸ்லாப்கள் மற்றும் தூண்கள் உள்ளிட்டவை ஜனவரி மாதத்திற்குள் முடிக்கப்படும், இதனால் பக்தர்கள் சன்னதியை தரிசிக்க முடியும்.
ஆனால் 2024 மார்ச் வரை முதல் மாடிக்குள் நுழைய அனுமதிக்கப்படாது, ஏனெனில் அங்கு பணிகள் முடிக்கப்படாது.
மூன்று மாடி கட்டிடம் மற்றும் ‘பர்கோட்டா’ (காம்பவுண்டின் வெளிப்புற சுவர்) கட்டி முடிக்க கிட்டத்தட்ட ஒன்றரை ஆண்டுகள் ஆகும் என்று அபாலே கூறினார்.
“மழை சில சமயங்களில் ‘பர்கோட்டா’வின் வேலையைத் தடுக்கிறது. ஆனால் மழையை பொருட்படுத்தாமல் உள்கட்டமைப்பு பணிகள் தொடர்ந்து நடைபெற்று வருகின்றன. 24 மணி நேரமும் நடப்பதால், பணிகள் வேகமாக நடந்து வருகின்றன.
அயோத்திக்கு வெளியில் இருந்து வரும் பொறியாளர்கள், மேற்பார்வை ஊழியர்கள் மற்றும் தினக்கூலி பணியாளர்கள் உட்பட சுமார் 1,200 தொழிலாளர்கள் இந்த வளாகத்தில் பணிபுரிகின்றனர். என்றார் .
(Visited 7 times, 1 visits today)
