நேபாளத்தில் வன்முறையாக மாறிய போராட்டம் – 13 பேர் பலி, பலர் காயம்!

நேபாளத்தில் சமூக ஊடகத் தடை தொடர்பாக போராட்டக்காரர்களுக்கும் பாதுகாப்புப் படையினருக்கும் இடையே ஏற்பட்ட மோதல்களில் குறைந்தது 13 பேர் கொல்லப்பட்டனர் மற்றும் பலர் காயமடைந்துள்ளனர்.

ஃபேஸ்புக், எக்ஸ் மற்றும் யூடியூப் உள்ளிட்ட சமூக ஊடகங்களைத் தடை செய்வதற்கான அரசாங்கத்தின் முடிவை எதிர்த்து காத்மாண்டுவில் உள்ள நாடாளுமன்றக் கட்டிடத்தின் அருகே கூடிய போராட்டக்காரர்கள், பின்னர் நாடாளுமன்றக் கட்டிடத்தைத் தாக்க முயன்றதாக வெளிநாட்டு ஊடக அறிக்கைகள் தெரிவிக்கின்றன.

ஜெனரேஷன் இசட் என்று தங்களை அடையாளப்படுத்திக் கொள்ளும் போராட்டக்காரர்கள் தங்கள் எதிர்ப்பைத் தெரிவித்தனர்.

நேபாளத்தின் தகவல் தொடர்பு அமைச்சர் பிருத்வி சுப்பா, காவல்துறையினர் பலத்தைப் பயன்படுத்த வேண்டியிருந்தது என்று கூறினார்.

போலிச் செய்திகள், வெறுப்புப் பேச்சு மற்றும் ஆன்லைன் மோசடிகளைத் தடுக்க சமூக ஊடக தளங்கள் ஒழுங்குபடுத்தப்பட வேண்டும் என்று அரசாங்கம் கூறியுள்ளது.