பிரபல நடிகை மல்லிகா ராஜ்புத் தற்கொலை

பிரபல பாடகியும், நடிகையுமான விஜய லட்சுமி என்று அழைக்கப்படும் மல்லிகா ராஜ்புத், சந்தேகத்திற்கிடமான முறையில் மரணமடைந்துள்ளார்.

உத்தரபிரதேச மாநிலம் சுல்தான்பூரில் உள்ள அவரது வீட்டில் மின்விசிறியில் தூக்கில் தொங்கிய நிலையில் அவரது உடல் கண்டெடுக்கப்பட்டது, இது தற்கொலை என இந்திய ஊடகங்கள் செய்தி வெளியிட்டுள்ளன.

இறக்கும் போது அவருக்கு 35 வயது. மல்லிகா ராஜ்புத் 2014 ஆம் ஆண்டு கங்கனா ரனாவத் நடித்த ரிவால்வர் ராணி படத்தில் துணை நடிகையாக நடித்துள்ளார்.

யாரா துஜே பாடலின் இசை வீடியோவிலும் அவர் பங்களித்துள்ளார், மேலும் அவர் 2016 இல் பாரதிய ஜனதா கட்சியில் (பாஜக) சேர்ந்ததாக கூறப்படுகிறது.

ஆனால் இரண்டு ஆண்டுகளுக்குப் பிறகு அவர் அரசியலில் இருந்து விலகிவிட்டார்.

அவர் ஒரு கதக் நடன பயிற்சியாளராகவும், அவரது ரசிகர்களால் விரும்பப்பட்ட நடிகையாகவும் இருந்தார்.

அவரது மரணம் குறித்து வாக்குமூலம் அளித்த அவரது தாயார், வீட்டில் அனைவரும் உறங்கிக் கொண்டிருந்ததால், அவர் எப்படி இறந்தார் என்று தெரியவில்லை என்று கூறியுள்ளார்.

சம்பவம் தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.