சோனியா காந்தியின் உடல்நிலை குறித்து விசாரித்த பிரதமர் மோடி
நாடாளுமன்ற கூட்டத்தொடரில் இன்று காந்தியின் உடல்நிலை குறித்து பிரதமர் கேட்டறிந்ததாக தகவல்கள் தெரிவிக்கின்றன.
சோனியா காந்தி மற்றும் காங்கிரஸ் முன்னாள் தலைவர் ராகுல் காந்தி ஆகியோர் சென்ற விமானம் போபாலில் உள்ள ராஜா போஜ் விமான நிலையத்தில் கடந்த 18ம் திகதி இரவு அவசரமாக தரையிறக்கப்பட்டது.
இந்நிலையில் இன்ஸ்டாகிராமில் ராகுல் காந்தி புகைப்படம் ஒன்றை வெளியிட்டுள்ளார். அதில் சோனியா காந்தி ஆக்ஸிஜன் மாஸ்க் அணிந்து காணப்பட்டுள்ளார். அதன் தலைப்பில் கருணை வடிவம் அழுத்தமாக உள்ளது அம்மா என்று பதிவிட்டிருந்தார்.
இந்நிலையில், மக்களவையில் சோனியாவின் உடல்நிலை குறித்து பிரதமர் மோடி கேட்டறிந்தார்.
நாடாளுமன்ற மழைக்கால கூட்டத்தொடர் தொடங்குவதற்கு முன்பு இந்தச் சுருக்கமான உரையாடல் நடைபெற்றுள்ளது. அவை தொடங்கியவுடன் பிரதமர் சோனியா காந்தியை சந்தித்து நலம் விசாரித்தார். அதற்கு சோனியா காந்தி, “நான் நலமாக இருக்கிறேன்” என்று பதிலளித்ததாக கூறப்படுகிறது. காங்கிரஸ் எம்பி ஆதிர் ரஞ்சன் சவுத்ரி கூறுகையில், மணிப்பூரில் நடந்த வன்முறை குறித்து விவாதம் நடத்துமாறு சோனியா காந்தி பிரதமரிடம் வலியுறுத்தியுள்ளார்.
(Visited 12 times, 1 visits today)
