ஒன்லைன் சூதாட்ட செயலி விவகாரம் – சுரேஷ் ரெய்னாவிடம் விசாரணைக்கு தயாராகும் அதிகாரிகள்

இந்தியாவில் தடை செய்யப்பட்ட ஆன்லைன் சூதாட்ட செயலியான 1xBet உடன் தொடர்புடைய வழக்கில், முன்னாள் இந்திய கிரிக்கெட் வீரர் சுரேஷ் ரெய்னாவுக்கு அமலாக்கத்துறை (Enforcement Directorate – ED) சம்மன் அனுப்பியுள்ளது. இந்த வழக்கில் விசாரணைக்கு ஆஜராகுமாறு அவருக்கு உத்தரவிடப்பட்டுள்ளது.

1xBet செயலி, இந்தியாவில் சட்டவிரோதமாக அறிவிக்கப்பட்டு, பல்வேறு நிதி முறைகேடுகள் மற்றும் சூதாட்டச் செயல்பாடுகளில் ஈடுபட்டதாக குற்றம்சாட்டப்பட்டுள்ளது. இந்த விவகாரம், கிரிக்கெட் மற்றும் பொழுதுபோக்கு துறைகளில் பரவலான விவாதத்தை ஏற்படுத்தியுள்ளது.சுரேஷ் ரெய்னா, இந்த சட்டவிரோத ஆன்லைன் சூதாட்ட செயலியின் பிராண்ட் அம்பாசிடராக பணியாற்றியதாக தகவல்கள் தெரிவிக்கின்றன.

1xBet, விளையாட்டு சூதாட்டம் மற்றும் கேசினோ விளையாட்டுகளை வழங்கும் ஒரு ஆன்லைன் தளமாகும், ஆனால் இந்தியாவில் இதன் செயல்பாடுகள் சட்டவிரோதமாக கருதப்படுகின்றன. இந்திய சட்டத்தின் கீழ், ஆன்லைன் சூதாட்ட தளங்கள் கடுமையான கட்டுப்பாடுகளுக்கு உட்பட்டவை, மேலும் 1xBet போன்ற தளங்கள் நிதி மோசடி மற்றும் பணமோசடி (money laundering) குற்றச்சாட்டுகளில் சிக்கியுள்ளன. இதனால், அமலாக்கத்துறை இந்த செயலியின் நடவடிக்கைகளை தீவிரமாக விசாரித்து வருகிறது.

இந்திய கிரிக்கெட் அணியின் முன்னாள் நட்சத்திர வீரர் சுரேஷ் ரெய்னா, 1xBet-ன் பிராண்ட் அம்பாசிடராக இருந்தது, இந்த வழக்கில் அவரது பங்கு குறித்து கேள்விகளை எழுப்பியுள்ளது. அமலாக்கத்துறை, ரெய்னாவின் இந்த செயலியுடனான தொடர்பு, அதற்கு அவர் வழங்கிய விளம்பர ஆதரவு, மற்றும் இதில் நிதி பரிவர்த்தனைகள் தொடர்பான விவரங்களை விசாரணை செய்யவுள்ளது. ரெய்னாவுக்கு அனுப்பப்பட்ட சம்மன், இந்த விசாரணையின் ஒரு பகுதியாக, அவரது பதில்களையும் ஆவணங்களையும் சமர்ப்பிக்க உத்தரவிடுகிறது.