இலங்கையின் பொது பாதுகாப்பு அமைச்சருக்கு எதிராக நம்பிக்கையில்லா பிரேரணை?

பொது பாதுகாப்பு அமைச்சர் திரன் அலஸுக்கு எதிராக நம்பிக்கையில்லாப் பிரேரணையை கொண்டு வர உள்ளதாக நாடாளுமன்ற உறுப்பினர் லலித் எல்லாவல தெரிவித்துள்ளார்.

பொலிஸாருக்குப் பொறுப்பான அமைச்சரினால் மக்களின் பாதுகாப்பை உறுதிப்படுத்த முடியாவிட்டால், அவர் தொடர்ந்தும் பதவியில் இருந்தும் பயனில்லை என அவர் கூறியுள்ளார்.

குறிப்பிட்ட காலப்பகுதிக்குள் நாட்டில் பாதாள உலக செயற்பாடுகளை கட்டுப்படுத்த நடவடிக்கை எடுக்காவிட்டால் அமைச்சர் திரன் அலாவுக்கு எதிராக நம்பிக்கையில்லா பிரேரணை கொண்டு வரப்படும் என  அவர் எச்சரிக்கை விடுத்துள்ளார்.

இலங்கையில் அதிகரித்து வருகின்ற குற்றச் செயல்களுக்கு பொறுப்பேற்று அவர் பதவி விலகவில்லை என்றால், எதிர்கட்சி உறுப்பினர்களுடன் இணைந்து நம்பிக்கையில்லா பிரேரணையை கொண்டுவர பேச்சுவார்தை நடத்தி வருவதாக அவர் தெரிவித்துள்ளார்.