ஐக்கிய நாடுகள் சபைக்கான அமெரிக்க தூதராக மைக்கேல் வால்ட்ஸ் நியமனம்

அமெரிக்க செனட், ஜனாதிபதி டொனால்ட் டிரம்பின் முன்னாள் தேசிய பாதுகாப்பு ஆலோசகர் மைக்கேல் வால்ட்ஸை ஐ.நாவுக்கான அமெரிக்க தூதராக நியமித்துள்ளது.

100 உறுப்பினர்களைக் கொண்ட செனட்டில் 47க்கு 43 என்ற வாக்குகள் என்ற அடிப்படையில் வால்ட்ஸ் தெரிவு செய்யப்பட்டுள்ளார். பத்து செனட்டர்கள் வாக்களிக்கவில்லை.

டிரம்ப் நிர்வாகத்தில் சேருவதற்கு முன்பு, வால்ட்ஸ் கிழக்கு-மத்திய புளோரிடாவிலிருந்து குடியரசுக் கட்சி காங்கிரஸ் உறுப்பினராக மூன்று முறை பணியாற்றினார், மேலும் முன்னதாக ஜார்ஜ் டபிள்யூ. புஷ் மற்றும் ஒபாமா நிர்வாகங்களின் கீழ் பென்டகனின் மூத்த கொள்கை அதிகாரியாக இருந்தார்.

புளோரிடாவைச் சேர்ந்த முன்னாள் காங்கிரஸ் உறுப்பினரும், 2024 டிரம்ப் ஜனாதிபதி பிரச்சாரத்திற்கான தேசிய பாதுகாப்பு துணைவருமான வால்ட்ஸ், மே மாதம் ஜனாதிபதி டொனால்ட் டிரம்பின் உயர்மட்ட தேசிய பாதுகாப்பு உதவியாளர் பதவியில் இருந்து நீக்கப்பட்டார் எனபது குறிப்பிடத்தக்க விடயமாகும்.