ஸ்காட்லாந்தில் நடுவானில் வெடிகுண்டு மிரட்டல் விடுத்த நபர் கைது

லண்டன் லூடன் விமான நிலையத்திலிருந்து கிளாஸ்கோவிற்குச் சென்ற ஈஸிஜெட் விமானத்தில் இடையூறு விளைவித்ததற்காக ஒருவர் கைது செய்யப்பட்டுள்ளார்.

சமூக ஊடகங்களில் வைரலாகி வரும் ஒரு வீடியோவில், அந்த நபர் “நான் விமானத்தில் குண்டு வைக்கப் போகிறேன்” என்று கூச்சலிடுவதைக் காட்டுகிறது.

அவர் “அமெரிக்காவிற்கு மரணம், டிரம்பிற்கு மரணம்” என்றும் அல்லாஹு அக்பர் ” என்றும் குறிப்பிட்டுள்ளார்.

விமானம் கிளாஸ்கோவில் தரையிறங்கியதும் போலீசார் விமானத்தில் ஏறி அந்த நபரைக் கைது செய்தனர்.

“41 வயது நபர் கைது செய்யப்பட்டு காவலில் வைக்கப்பட்டுள்ளார். விசாரணைகள் தொடர்கின்றன,” என்று ஸ்காட்லாந்து காவல்துறை தெரிவித்துள்ளது.

பயங்கரவாத எதிர்ப்பு அதிகாரிகள் ஆன்லைனில் பரவும் வீடியோக்களை மதிப்பாய்வு செய்து வருவதாகவும் அவர்கள் தெரிவித்தனர்.