ஆஸ்திரேலியாலில் புலம்பெயர்ந்தோருக்கு குறைவான ஊதியம் வழங்கினால் சட்ட நடவடிக்கை

ஆஸ்திரேலியாலில் புலம்பெயர்ந்த தொழிலாளர்களுக்கு குறைவான ஊதியம் அல்லது அதிக நேரம் வேலை செய்யும்படி கட்டாயப்படுத்தும் தொழில் வழங்குனர்களுக்கு எதிராக சட்டங்கள் கடுமையாக்கப்பட்டுள்ளன.

ஆஸ்திரேலிய அரசாங்கம் ஜூலை 1 முதல் நடைமுறைப்படுத்தியுள்ள புதிய குடியேற்றச் சட்டங்களின் அடிப்படையில், புலம்பெயர்ந்த தொழிலாளர்களின் உழைப்பைச் சுரண்டுவதற்கு வணிக உரிமையாளர்களுக்கு வாய்ப்பில்லை.

இந்த புதிய சட்டத்தை மீறும் நிறுவனங்களின் உரிமையாளர்களுக்கு சட்டம் கடுமையாக அமல்படுத்தப்படும் என உள்துறை அமைச்சகம் தெரிவித்துள்ளது.

புலம்பெயர்ந்த தொழிலாளர்களின் விசாவை ரத்து செய்வதாக மிரட்டி அவர்களுக்கு அழுத்தம் கொடுக்கும் ஆஸ்திரேலிய நிறுவனங்களின் உரிமையாளர்கள் தொடர்பான புகார்கள் அதிகரித்து வரும் நிலையில், விதிகளை கடுமையாக்குவதாக தொழிலாளர் விவகாரத் துறை அறிவித்துள்ளது.

ஆஸ்திரேலியாவில் புலம்பெயர்ந்த தொழிலாளர்கள் தங்கள் உரிமைகளுக்காகப் பேசவும் புகார் செய்யவும் உரிமை உண்டு, எனவே விசாவை இழக்க நேரிடும் என்ற அச்சத்தில் அவர்கள் பல்வேறு துன்புறுத்தலுக்கு ஆளாக வேண்டாம் என்று அறிவுறுத்தப்படுகிறார்கள்.

புலம்பெயர்ந்த தொழிலாளர்கள் தங்கள் உரிமைகள் மற்றும் சட்டங்களைப் பற்றி அறிய உள்துறை அமைச்சகத்தின் இணையதளத்தைப் பார்வையிட அறிவுறுத்தப்படுகிறார்கள், மேலும் பணியிடத்தில் அவர்களின் உழைப்பு தேவையில்லாமல் சுரண்டப்பட்டால், அவர்கள் ரகசியமாக புகார் செய்யலாம்.