பொது துறையில் சம்பள முறையை மறுஆய்வு செய்ய குவைத் அரசாங்கம் தீர்மானம்
குவைத் அரசின் பொதுத் துறையில் சம்பள முறையை மறுஆய்வு செய்ய நிதி அமைச்சகம் முடிவெடுத்துள்ளது. தேசிய பொருளாதாரத்தின் நலன்களுக்கு சேவை செய்வதன் ஒரு பகுதியாக மூலோபாய மாற்று ஊதிய அமைப்பு செயல்படுத்தப்படுகிறது.
ஊழியர்களின் உற்பத்தித்திறன் அடிப்படையில் சம்பள மாற்றம் இருக்கும். ஊதியத்தில் சமத்துவத்தை அடையவும், அரசு ஊழியர்களின் உற்பத்தித் திறனை அதிகரிக்கவும் இது உதவும் என்று எதிர்பார்க்கப்படுகிறது.
அரசுத் துறையில் சம்பள உயர்வால், சுதேசி இளைஞர்களை அதிகம் ஈர்க்க முடியும்.
இதற்கிடையில், மூலோபாய ஊதியம் தொடர்பாக சமூக ஊடகங்களில் பரவும் செய்திகள் தவறானவை என்று நிதி அமைச்சர் மனாஃப் அல் ஹஜ்ரி கூறினார்.
சம்பளப் பட்டியலை அமுல்படுத்துவது ஆரம்பகட்ட கலந்துரையாடலில் உள்ளதாகவும், கொள்கை முடிவுகள் எதுவும் எடுக்கப்படவில்லை எனவும் அவர் தெரிவித்துள்ளார்.
கடந்த 24 ஆண்டுகளில் சம்பளத்தில் ஆறு மடங்கு அதிகரிப்பு ஏற்பட்டுள்ளதாகவும் நிதி அமைச்சின் புள்ளிவிபரங்கள் சுட்டிக்காட்டுகின்றன.
எண்ணெய் விலை சரிவு குவைத் உள்ளிட்ட உற்பத்தி நாடுகளின் பொருளாதார தளத்தை கணிசமாக பாதித்துள்ளது.
எண்ணெய் அல்லாத வருவாய் வழிகளைக் கண்டறிந்து பொதுச் செலவைக் குறைப்பதன் மூலம் நெருக்கடியைச் சமாளிக்க நீண்ட கால பொருளாதார சீர்திருத்தத் திட்டத்தை குவைத் உருவாக்கியுள்ளது.
செலவுக் குறைப்பின் ஒரு பகுதியாக, பொதுத்துறை நிறுவனங்களின் பட்ஜெட்டை மறுசீரமைக்கவும், மானியங்களைக் குறைக்கவும் அரசாங்கம் முன்பு நடவடிக்கை எடுத்தது.
(Visited 4 times, 1 visits today)
