இஸ்‌ரேலுக்கும் அமெரிக்காவுக்கும் விழிபிதுங்கும் வகையில் பதிலடி தரப்படும்: ஈரான் சூளுரை

ஈரான் மீதும் அதன் ஆதரவு அமைப்புகள் மீதும் தாக்குதல்களை நடத்திய இஸ்ரேல், அமெரிக்கா ஆகிய நாடுகளுக்கு எதிராக மிகக் கடுமையான தாக்குதல்கள் நடத்தப்படும் என்று ஈரானின் உயரிய தலைவர் அயத்துல்லா அலி காமெனி நவம்பர் 2ஆம் திகதியன்று சூளுரைத்தார்.

“ஈரானின் பகை நாடுகளான இஸ்‌ரேலுக்கும் அமெரிக்காவுக்கும் எதிராக விழி பிதுங்கும் பதிலடி தரப்படும்,” என்று ஈரானியத் தலைநகர் தெஹ்ரானில் மாணவர்களிடம் பேசியபோது காமெனி கூறினார்.

ஏமனில் உள்ள ஹூதிப் போராளிகள், லெபனானில் உள்ள ஹிஸ்புல்லா அமைப்பு, பாலஸ்தீனத்தில் உள்ள ஹமாஸ் அமைப்பு ஆகியவற்றை ஆதரித்து அவர் பேசினார்.

2023ஆம் ஆண்டு அக்டோபர் மாதம் 7ஆம் தியன்று, ஹமாஸ் போராளிகள் இஸ்ரேலுக்குள் புகுந்து திடீர் தாக்குதல் நடத்தினர்.இதையடுத்து, காஸா மீது இஸ்ரேல் குண்டு மழை பொழிந்து வருகிறது.பாலஸ்தீனர்களுக்கு ஆதரவாக ஹிஸ்புல்லா அமைப்பும் ஹூதிப் போராளிகளும் இஸ்‌ரேலுக்கு எதிராகத் தாக்குதல் நடத்தி வருகின்றன.

ஹிஸ்புல்லா அமைப்பின் தலைவரான ஹசான் நஸ்ரல்லாவை இஸ்ரேல் கொன்றதை அடுத்து, அக்டோபர் மாதம் 1ஆம் திகதியன்று இஸ்‌ரேல் மீது ஈரான் ஏவுகணைகளைப் பாய்ச்சியது.இதற்குப் பதிலடி கொடுக்கும் வகையில் அக்டோபர் 26ஆம் திகதியன்று ஈரான் மீது இஸ்ரேல் வான்வழித் தாக்குதல்களை நடத்தியது.

இதில் குறைந்தது நான்கு ஈரானிய ராணுவ வீரர்கள் உயிரிழந்தனர்.இஸ்ரேலியத் தாக்குதலால் அவ்வளவாகச் சேதம் ஏற்படவில்லை என்று ஈரான் கூறியது.பொதுமக்களில் ஒருவர் உயிரிழந்ததாக ஈரானிய ஊடகம் செய்தி வெளியிட்டது.இந்நிலையில், இஸ்‌ரேலியத் தாக்குதலில் உயிரிழந்த ஈரானிய ராணுவ வீரர்களுக்குத் காமெனி அஞ்சலி செலுத்தினார்.

அக்டோபர் 26ஆம் திகதியன்று நடத்தப்பட்ட தாக்குதலுக்கு ஈரான் பதிலடித் தாக்குதல் நடத்தக்கூடாது என்று இஸ்‌ரேல் எச்சரிக்கை விடுத்துள்ளது.ஆனால், இஸ்‌ரேல் மீது தாக்குதல் நடத்தப்படும் என்று ஈரானியப் புரட்சிப்படையின் செய்தித்தொடர்பாளர் அலி முகம்மது நைனி நவம்பர் 2ஆம் திகதியன்று தெரிவித்தார்.

தொடர்புடைய செய்திகள்:

கொரிய தீபகற்பத்தில் பதற்றம்! நீருக்கடியில் அணுவாயுத சோதனை செய்த வடகொரியா! மத்திய சீனாவில் உள்ள விடுதியில் தீவிபத்து : 13 பேர் உயிரிழப்பு! கிய்வ்க்கு மேம்பட்ட வான் பாதுகாப்பை வழங்க உறுதியளித்த நேட்டோ பங்களாதேஷ் வெள்ளத்தில் சிக்கி 8 பேர் பலி – 2 மில்லியனுக்கும் அதிகமானோர் பாதிப்பு சிங்கப்பூரில் வெளிநாட்டு ஊழியர்களின் உடல்நலத்திற்காக எடுக்கப்பட்ட நடவடிக்கை சீனாவில் பெண்ணுக்கு நடந்த அதிசயம் – மில்லியனில் ஒருவருக்கு நடக்கும் அரிய சம்பவம்