காசா நகரத்தின் மீதான தாக்குதல்களை நிறுத்த திட்டமிட்டுள்ள இஸ்ரேல்?

ஒரு பெரிய தாக்குதலுக்கு முன்னதாக, காசா நகரத்தின் மீது வான்வழித் தாக்குதல்களை இஸ்ரேல் நிறுத்தவும், நிவாரண லாரிகள் நுழைவதைக் குறைக்கவும் திட்டமிட்டுள்ளதாகவும்  கூறப்படுகிறது.

உள்நாட்டில் அதிகரித்து வரும் எதிர்ப்பு மற்றும் முற்றுகையிடப்பட்ட பிராந்தியத்தில் பாலஸ்தீனியர்களுக்கு இந்த பிரச்சாரம் பேரழிவு தரும் மற்றும் தாங்க முடியாத விளைவுகளை ஏற்படுத்தும் என்ற எச்சரிக்கைகளுக்கு மத்தியில் இந்த அறிவிப்பு வந்துள்ளது.

கிட்டத்தட்ட இரண்டு ஆண்டுகால போருக்குப் பிறகு காசாவின் மிகப்பெரிய நகரத்தை முழுமையாகக் கைப்பற்ற இஸ்ரேலிய இராணுவம் தயாராகி வருகிறது.

டெல் அவிவில், போராட்டக்காரர்கள் கூட்டம் அரசாங்கம் தனது தாக்குதலை அதிகரிப்பதற்குப் பதிலாக போர்நிறுத்தத்தைத் தொடர வேண்டும் என்று கோரினர்.

ஹமாஸ் கிட்டத்தட்ட இரண்டு வாரங்களுக்கு முன்பு ஏற்றுக்கொண்ட சமீபத்திய போர்நிறுத்த திட்டத்தை இஸ்ரேல் அரசாங்கம் பரிசீலிக்கத் தவறியதற்காக காசாவில் தடுத்து வைக்கப்பட்டுள்ள பணயக்கைதிகளின் குடும்பங்கள் கண்டனம் தெரிவித்துள்ளமையும் குறிப்பிடத்தக்கது.