ஆஸ்திரேலிய மக்களுக்கு பொலிஸாரிடம் இருந்து வரும் குறுஞ்செய்தி தொடர்பில் முக்கிய தகவல்

ஆஸ்திரேலியாவின் நியூ சவுத் வேல்ஸ் மாநிலம் முழுவதும் போதைப்பொருள் விநியோகத்தில் ஈடுபட்டதாகக் கூறப்படும் கும்பல்களை விசாரிக்க பொலிஸதார் புதிய தொழில்நுட்பத் திட்டத்தைத் தொடங்கியுள்ளனர்.

அதன்படி, மாநிலத்தில் வசிக்கும் சுமார் 50000 பேருக்கு இது குறித்து எச்சரிக்கை குறுஞ்செய்தி அனுப்பப்பட்டுள்ளதாக தெரிவிக்கப்பட்டுள்ளது.

போதைப்பொருள் கடத்தல் தொலைபேசி இணைப்புகள் மூலம் பரவலாக மேற்கொள்ளப்படுகிறது, இது அடையாளம் காணப்பட்ட 26 பிரதான தொலைபேசி இணைப்புகளின் தரவுகளை ஆய்வு செய்வதன் மூலம் கண்டுபிடிக்கப்பட்டுள்ளது.

அத்துடன், தொலைபேசியில் தொடர்பு கொண்ட ஒவ்வொரு சிம்கார்ட் உரிமையாளருக்கும் எச்சரிக்கை விடுக்கப்பட்டுள்ளதுடன், இவ்வாறு போதைப்பொருள் கடத்தல் தொடர்பில் பொலிஸாரினால் வெளியிடப்பட்ட செய்திகள் மூலம் மக்களின் கவனத்தை ஈர்த்துள்ளது.

டிசம்பர் மற்றும் ஜனவரி மாதங்களுக்கு இடைப்பட்ட காலப்பகுதியில், போதைப்பொருள் கடத்தலுடன் தொடர்புடைய சந்தேகநபர்கள் பலர் பொலிஸாரால் கைது செய்யப்பட்டுள்ளதாகவும், மேலதிக விசாரணைகள் எதிர்காலத்தில் விரிவுபடுத்தப்படும் எனவும் பொலிஸார் தெரிவித்தனர்.

இரகசிய புலனாய்வுக் குழுக்களும் இந்தச் சோதனைகளுக்கு ஈடுபடுத்தப்பட்டதோடு, போதைப்பொருள் கடத்தலில் ஈடுபட்ட பல குற்றவாளிகளை சட்டத்தின் முன் நிறுத்துவதற்கு பொலிஸாரால் முடிந்தது.

சோதனைகளின் போது கைப்பற்றப்பட்ட சிம்பாட்கள் 10 வருடங்களுக்கும் மேலானவை என்றும், அதன் பின்னர் போதைப்பொருள் கடத்தலுக்கு பயன்படுத்தப்பட்டு வருவதாகவும் தெரிவிக்கப்பட்டுள்ளது.

துப்பறியும் கண்காணிப்பாளர் கிராண்ட் டெய்லர் கூறுகையில், குற்றங்களையும் அவற்றின் செயல்பாடுகளையும் முறியடிக்க காவல்துறை தொழில்நுட்பத்தைப் பயன்படுத்துவது இதுவே முதல் முறையாகும் என சுட்டிக்காட்டியுள்ளார்.