ஜேர்மனி பாலஸ்தீனியக் குழுவான ஹமாஸின் செயல்பாடுகளுக்கு முழுத் தடை விதித்துள்ளதுடன், இஸ்ரேலுக்கு எதிரான மற்றும் யூத எதிர்ப்புக் கருத்துக்களைப் பரப்பியதாகக் குற்றம் சாட்டப்பட்ட பாலஸ்தீன ஆதரவுக் குழுவைக் கலைக்க உத்தரவிட்டுள்ளது.
ஒரு அறிக்கையில், ஜேர்மன் உள்துறை மந்திரி நான்சி ஃபேசர், நாட்டில் ஏற்கனவே “பயங்கரவாத” அமைப்பாக நியமிக்கப்பட்டுள்ள ஹமாஸ் அல்லது அதற்கு ஆதரவாக செயல்படுவதற்கு முறையான தடையை அமல்படுத்தியதாக கூறினார்.
“ஹமாஸுடன் இணைந்து, இஸ்ரேல் நாட்டை அழிப்பதை நோக்கமாகக் கொண்ட ஒரு பயங்கரவாத அமைப்பின் நடவடிக்கைகளை நான் இன்று முற்றாகத் தடை செய்துள்ளேன்” என்று ஃபைசர் கூறினார்.
“ஜேர்மன் அரசியல் மனப்பான்மை அனைத்து மக்களையும் பாதிக்கும் ஒரு ஹோலோகாஸ்ட் மனநிலையா என்று கேள்வி எழுப்ப இது நம்மைத் தூண்டுகிறது” என்று லெபனானில் உள்ள ஹமாஸ் பிரதிநிதி ஒசாமா ஹம்தான் செய்தியாளர் கூட்டத்தில் தெரிவித்தார்.
ஹமாஸ் உள்ளிட்ட குழுக்களை “ஆதரித்து மகிமைப்படுத்துகிறது” என்று கூறிய சாமிடோன் நெட்வொர்க்கின் ஜெர்மன் கிளையையும் தடை செய்து கலைப்பதாக ஃபேசர் கூறினார்.
தொடர்புடைய செய்திகள்:
