அமெரிக்கா-ஈரான் அணுசக்தி பேச்சுவார்த்தையின் நான்காவது சுற்று ஒத்திவைப்பு

ஈரானின் அணுசக்தி திட்டம் குறித்து அமெரிக்காவுடனான நான்காவது சுற்று பேச்சுவார்த்தை ஒத்திவைக்கப்பட்டதாக ஓமன் வெளியுறவு அமைச்சர் அறிவித்துள்ளார்.

பேச்சுவார்த்தைகள் ரோமில் தொடங்கும் என்று எதிர்பார்க்கப்படுவதற்கு சில நாட்களுக்கு முன்பு, சமூக ஊடக தளமான Xல் அமைச்சர் பத்ர் பின் ஹமாத் அல்-புசைடி இந்த அறிவிப்பை வெளியிட்டார்.

அல்-புசைடி முன்னர் ஈரானுக்கும் அமெரிக்காவிற்கும் இடையே மூன்று சுற்று பேச்சுவார்த்தைகளுக்கு மத்தியஸ்தம் செய்திருந்தார்.

முதலாவது ஏப்ரல் 12 ஆம் தேதி ஓமானின் தலைநகர் மொஸ்கட்டில் நடந்தது, அதைத் தொடர்ந்து ரோமில் நடந்தது. மூன்றாவது சுற்று பேச்சுவார்த்தை ஏப்ரல் 26 ஆம் தேதி மொஸ்கட்டில் நடந்தது, அமெரிக்கா அணுசக்தி ஒப்பந்தத்தை நோக்கி “முன்னேற்றம்” இருப்பதாகப் புகழ்ந்தது.