உக்ரைன் – ரஷ்ய போரை முடிவுக்கு கொண்டுவர ஒன்றுக்கூடும் ஐரோப்பிய அதிகாரிகள்!

உக்ரைனில் போரை எவ்வாறு முடிவுக்குக் கொண்டுவருவது என்பது குறித்து உயர் நிர்வாக அதிகாரிகள் இந்த வாரம் ஐரோப்பிய அதிகாரிகளைச் சந்திப்பார்கள் என்று ஜனாதிபதி டொனால்ட் டிரம்பின் தேசிய பாதுகாப்பு ஆலோசகர் தெரிவித்துள்ளார்.

பேச்சுவார்த்தை மூலம் தீர்வு காண்பதற்கான நடவடிக்கைகளைப் பற்றி விவாதிக்க டிரம்ப் ரஷ்யத் தலைவர் விளாடிமிர் புடினுடன் தொலைபேசியில் பேசியதாக நியூயார்க் போஸ்ட் செய்தி வெளியிட்டுள்ளது.

செய்தியாளர்களிடம் பேசிய டிரம்ப், புடினுடனான தனது தொலைபேசி உரையாடல் குறித்து விவாதிக்க மறுத்துவிட்டார்.

போரை முடிவுக்குக் கொண்டுவர முயற்சிக்கிறோம். நான் ஜனாதிபதியாக இருந்திருந்தால் ஒருபோதும் நடந்திருக்காத ஒரு போர். ஆனால் நாங்கள் முன்னேற்றம் அடைந்து வருகிறோம். ஆனால் நான் உங்களுக்குச் சொல்ல முடியாது” என்று அவர் கூறினார்.

இதேவேளை கிரெம்ளினின் அழைப்பு குறித்து உடனடியாக உறுதிப்படுத்தப்படவில்லை.